هذه مشكلتي لتربية الطفل

ودايما ابي الناس تحبني اجملهم بس على شان ما يكروهني
مليت من عقدي ملت من عدم ثقتي في نفسي
ابي ما اهتم فيهم لانهم ماتهمهم مشاعري
اذا لهم مصلحة بيعملوني حلو واذا ما الهم مصلحة ما يسون لي سالفة
هذا موضوعي بختصار
ما اردي شو لازم اسوي على شان اتغير

ورديت عليها ^_____^

شوفي الناس هالزمن يبون القوي

والي شخصيته اقوى عن الغير هذا الي يراكظون وراااه ^_____^

انتي سوي الي يمليه عليج ضميرج

وما عليج من حد

لا ترهقين نفسج عشان الغير

ولا اتحاولين ادورين سعادتهم

الي يشريج لا اتبيعينه والي يبيعج لا تشترينه

وقت ما اتحسين انه ما عندج ثقة بنفسج والناس تتأمر عليج ويطالبونج اتسوين شي وانتي ما تبينه

اسكتي ولا اتعبرين ,,حاولي اتقولين لأ

وعودي نفسج على قول هالكلمة ^_____^

ومن اتحسين نفسج ضعيفة

اتذكري مووقف غيظبج

وطلعي حرتج فويه الي يحاول يستفزج ^____^ او يقلل من قدرج

واتمنالج التووفيق من كل قلبي الشيخة

وجزاكن الله خير

بس انها تكون لدرجة تفضلين الغير على حساب راحتج النفسية وسعادتج فهاي مشكلة

اختي بالاول حاولي تتقربين من رب العالمين بالدعاء والقرآن والأدعية وخلي لسانج رطب بذكر رب العالمين خصوصا يوم تييج أفكار سلبية أو ضيقة

اختي رضا الناس غاية لا تدرك حطي هالنقطة فبالج وركزي عليها انج مهما سويتي ومها كان وضعج فمستحيل بانج ترضين كل الناس حوليج

قوي صلتج برب العالمين وخلي رضاه هو هدفج الاول والاخير
وصدقيني الناس اللي تحبج سواء من اهلج او من ربيعاتج فهي بتحبج مثل ما انتي بزينج وبشينج وتذكري انهم كلهم بشر وما يخلون من العيوب يعني حالهم حالج وانتي دامج تحبينهم مثل ما هم فثقي انهم يحبونج مثل ما انتي

شوفي شخصيتج حاولي تقوين ثقافتج الدينية
ركزي على نفسج وحياتج بدال ما تركزين على الناس
اذا تدرسين حاولي تتفوقي في دراستج
واذا تشتغلين حاولي تجتهدي في شغلج
واذا معرسة حاولي تركزين على عايلتج وريلج وعيالج
واذا لا تدرسين ولا تشتغلين ولا معرسة ركزي على نفسج دينج ثقافتج العامة جمالج جسمج

حاولي تشغلين نفسج باي امر في هالحياة يخصج انتي وبس

الله يعينج يارب ويفرج همج اختي
(=

الحمد الله انا اهتم بامور ديني بس ان شاء الله اهتم اكثر