هدية بمناسبة الانتقال لبيت يديد … أماكن بيع لحافات السرير…. الرجاء الدخول العروس الاماراتية

1- اخت ريلي .. بتتنتقل بيت يديد الشهر الياي .. فحابه أشتريلها هديه بهالمناسبه … شي للبيت يعني ..
بس ماعرف شو أخذ .. فممكن تنصحوني…؟؟

2- ممكن حد يدلني عن أسامي و أماكن محلات يبيوعون شراشف "لحافات" للسرير … حابه أشتري بس ماعرف من وين .. فاللي تعرف ممكن تخبرني ..؟؟

3- خخخخخ شكلي مصختها بالاسئله بس ماتقصرون خواتي .. سؤالي الثالث هو

لون حجرتنا حليبي .. أو بيج <<< يعني بين هاللونين خخ
ولون اثاثنا خشبي محترق .. وفي شوي ذهبي <<< انشالله وصلكم شو اللون .. ماعرف اشرحه

وحابه اغير لون ستارتنا .. مادري اي لون أختار ..

هي الحين لونها بني غامج .. فأحسهااا وايد مخربه عالغرفه … ماعرف شو أختار أي لون
بشو تنصحوني ؟؟؟

بالنسيه لغرفتج انصحج بالبرتقالي و الاحمر .. ولا احمر وزيتوني .. الصراحه لونين فخمين وهذي الالوان الدارجه .. وان شاء الله البنات يساعدونج

1…..طقم صحون فخم يعني ينفع للعشا والبوفيه..فهمتي؟؟؟ أو جهاز كهربائي(( مثل طقم مولينيكس كامل مب بس خلاط و مطحنة؟؟؟لا في نوع عدد القطع أكثر….

2….إذا من الشارجة قريب من دوار الساعة اعتقد ورا مطعم الوادي الأخضر شي محل اسمه سوسن يبيع مفارش سرير حلللوة و يبدأ السعر من 500 بس حلو

3….اليدار بيج و الأثاث بني محروق ((لون البندق)) يعني عندج واااايد ألوان للستاير…
بنفسجي مخلوط بالذهبي…التركواز بالذهبي..عنابي…….هذي للفخامة
مشمشي مخلوط مثل ألوان الخريف….أخضر مشجر بالبيج مخلوط…للبساطة و الوسع

بيج مع ذهبي …. المفارش تكون نفس الشي و داخل معاه أي لون عادي ((مفرش مشجر))
و تركواز….المفارش ذهبي و الكوشينات الخارجية يعني اشتري غييير لون تركواز وذهبي (( الهندي أفخم))

أو قصدتي شي ثاني؟؟

اذا انتي في بوظبي
محل للفرش الامان (الباكستانية) ويدحلو عندها 8قطع ب250

اما الهديه فأشياء وايده ويستحسن الكربائيات(مثل ميكرويف-تلفزيون-خلاط كامل مثل ما قالت اختي قبلي)

التركوازي حلو مع البني و الذهبي