حبيت اليوم اطرح موضوع انا بصراحة متضايجة منه وهوهدايا المستشفى للأطفال ،طبعا كل وحده منا مربية حصلت على مثلاً عينات مجانية وغيره من شركات الأطفال اللي يوزعونها على المستشفيات ،بس انا اللي قاهرني اني بعض الحريم مايحصلون هالأشياء مثلي أنا طبعا ،يعني لما اودي ولدي التطعيم احيانا اشوف ناس يعطونهم شنط اطفال و عينات اغذية وغيرة وغيرة ولما اسألها اتقولي خلصت العينات ( شو يعني ؟؟؟) بصراحة انا وحده مهتمه بصحة طفلي لدرجة ما تتخيلونها و اتوقع انه فيه وااااااااااايد امهات نفس حالتي ،انا بعد من حقي اني احصل مثل هالعينات علشان اجربها بطفلي مثل اطعمة فارليز وبسكويت ميلوبا و غيرة وغيرة لأن بصراحة ولدي مايحب ياكل وكل مره اشتريله اكل ينتهي فيه الحال على الزبالة ياما شريت عصاير و اكل حق الأطفال بس ولدي رافض كل شي حتى اكل البيت فيعني لما المستشفيات اتوفر هالأشياء بكميات صغيرة كعينه تجريبية ليج ما يستفيدون منها الكل ،وطبعا انا ما اتكلم عن هذا وبس بعد هاي الشركتين اتوفر اكواب اطفال للأكل وملاعق بأشكال مختلفة شفتها مع قريباتي و ميزان حراره الكتروني يوزعونه مجانا على الأطفال وقت التطعيم ، ابا افهم ليج بعض الحريم يحصلوا و بعظهم لا ؟؟لايكون بهاذي واسطة بعد ، و الحين السؤال منو حصلت هدايا لطفلها من هالشركات و شو الشركة اللي وزعته
انا ماجد حصلت هدية لا عند ربى ولا تطعيم
الغالية كلنا مهتمين باكل عيالنا
ياما خذنا اكل وكحان مصيرة الزباله
الغناه المستشفى مش مسؤول عنده عينات ومحدودة العدد
مووول ما يخص الواسطة
الغالية لا تهتمين بهالشي
الاكل مكود في الجمعيه كل يوم خذي شي لولدج وجربي والي يحبة استمري عليه
بسيييييييييييييييييييطة
المشاركة الأصلية كتبت بواسطة بنت الفلاني 
انا ماجد حصلت هدية لا عند ربى ولا تطعيم
الغالية كلنا مهتمين باكل عيالنا
ياما خذنا اكل وكحان مصيرة الزباله
الغناه المستشفى مش مسؤول عنده عينات ومحدودة العدد
مووول ما يخص الواسطة
الغالية لا تهتمين بهالشي
الاكل مكود في الجمعيه كل يوم خذي شي لولدج وجربي والي يحبة استمري عليه
بسيييييييييييييييييييطة
المشكلة يا الغالية ما خليت شي ما شريته بس حرام نعمة الله تنعج بالزبالة والله ساعات اقول لواني اعرف حد اعطيه هالأكل جان زين بدال ما النعمه جذي تنعج
احيدهم يعطون عينات شامبو وهالسوالف
عيل مابستحي منهم بقولهم ابا جان عندكم شي لليهال