انا الحين بنص شهر السابع وامس لما سرت عند الدكتورة جانت عندي مراجعه قالت لي حجم الجنين صغير بس كل اعضاءه زينة ع حسب عمره قالت لي وزنه الحين كيلو و200جرام انا يوم سالت مرت اخوي ومرت حمي قالوا لي عادي بس انا خايفه من جم يوم جنت مريضه وماجان لي خاطر اكل ابد واصلا انا طول الحمل وانا ارجع لين الحين ومرضت بد ويوم سرت المراجعه وزني جان نازل والضغط عندي بعد وايد نازل انا عادي الضغط طول هالحمل نازل بس هالمره وايد نازل الضغط جان 76 والدكتورة قالت لي الماي حول الجنين ناقص شوي وسالتني عن حركة الجنين قلت لها عادي يتحرك احس به قالت انا من يوم سويت ليش السونار اتحرك جم مره و المشيمه وكل شيء اوكيه بس قالت لي كثري من السوائل وشرب الماي قالت لي بعد يمكن نقص عسب انتي مرضتي
فابغي اعرف اذا وحده صار لها شراتي وولدت طبيعي عادي انا قريت بالنت اشياء وايده الي ولدت قيصري والا ماادري شو انا مرت اخوي قالت لي عادي هيه صار لها بولدها وربت طبيعي وجانت عندها المشيمه نازلة بعد مرت اخوي الثاني بعد نفس الشيء بس جان عندها نقص ماي
طمنوني الله يخليكم وايد خايفه ع البيبي حتى مب قادره ارقد ابد
صح نسيت اقول بعد خواصري وايد تعورني هل هذا يخص توسع الخصر عسب البيبي انا جي قالوا لي
ما شاء الله حولج حريم ونصحوج
وقالوا لي اشرب ماي زمزم كل يوم
و الحمدلله بعد اسبوعين رد الماي لوضعه الطبيعي و ربيت طبيعي
انتي اشربي كل يوم ماي زمزم
واشربي سوااائل وايد
من جيه خصرج يعورج شكلج ما تشربين ماي وايد
والله يقومج بالسلامة