نفسية كل وحده ربت بعد الولاده وزوجها؟؟ لصحة الجسم

هلا خواتي انا اليوم فكرت اكتب لكم عن نفسيتي بعد الولاده يبت ولد وسميته عبود الصراحه انا واايد زعلانه ومضايقه والي مخلني جييييه تصرفات ريلي احسسسسسسسسه صار بعيد وااايد لدرجه انه مايرقد عندي في غرفتي وحتى لو رقد ما اسمع منه ولا اشوف منه غير تصبحي على خير وصباح الخير تصورا الحياة صارت رسميه وااايد لا والي قاهرني اكثر انه من فترة الحمل وهو جيييييه يعني موجود ومب موجود واااااحد سالته ليش بعيد قال انا اخاف ارقد معاج اعورج شرايكم في هالكلالالام؟؟

الي تمرين فيه شي طبيعي ريلج الحين ينظر لج نظرة ام مش زوجه وحبيبه هو محتاج وقت يفهم التغير الي صار لازم اشوي اشوي اتساعدينه يتخطى هالمرحله ترها مب سهله بنسبا للريال احنا الحريم 9 شهور انحس فيهم بالامومه في كل مرحله في حل حركه للبيبي اما الريال مايحس غير لما ايشوف البيبي جدامه ايحس بمسؤليه اكبر <<ويفكر ياترى انا قد المسؤليه كيف براعي طفل وام كيف بكون اب
ايشاء اتي في باله وتشغله بس مايحب ايبوح عنهااااااااااااا حسسي بالابوه بس شوي شوي وبتدريج اما عن العوده للحياه الجنسيه بعد تبغي وقت ثاني لان هو متخيلنج ام لولده <<كيف انا اسوي معاها جي
وبعدين يتخيل التغير الي صار عقب الولاده في اشياء وايد في تفكيره <<ايشوفج اترضعين وتبدلين للبيبي فينظرلج نظره مختلفه

الموضوع بسيط بس يبغي شوية شطاره منج وذكاء وشوية صبر

وربي يسعدج

والله بعدني ما جربت بس انشالله ما اظن ان ريلي راح يتغير….

صح اللي قالته شواقي ولا تضايقين بنفسج ترانا كلنا مرينا بنفس مرحلتج

مرحلة وبتعدي ان شاء الله

يا ريت ريلي شرات ريلج

أحس ريلي بعد الولادة و في فترة الحمل لزقة..ويلوع بجبدي الصراحة..سبحان الله كل واحد غير عن الثاني..بس ما أدري أحس حالتج أحسن..أنا الصراحة ما أحصل وقت أرضي منو..ريلي ولا ولدي فديته..وفي بنتي نفس الشئ عانيت

مشكوراااااااااااات خواتي ع التفاعل معاي