بصراحه حبيت هالمدونة وايد ..
وبماا اني مستانسة والحمد لله رب العالمين انخطبت ..
حبيت اقولكم عن النظرة الشرعية هاهاهاي
اول شي نشيت الصبح << ماشاء الله علي نشيطة (^_^)
وتميت افكر ويالسه عالشبرية وجان اختي الصغيرونه تنش تقول بلاج شاقه الحلج قلت لها نشي نشي اليوم خطبتي هاهااهاي قالت الحمد لله والشكر قالت مستويه سكنية ناشة الفير ارقدي يابنت وصكي الليت ولاطفريبي قلت يالله عادي نشي خخخخ مستانسه فديتني ..
المهم حصلت هزبة محترمه وجان اتلحف واتخبى تحت اللحاف وافكر ومبتسمة هههههههه والله احس عمري خبلة
المهم نشيت عقبها وتسبحت وساعه فالحمام الله يعزكن كنت احط كريمات وجي<<< الي يقول جنه اليوم عرسي
المهم ماشوف الا حرمه اخوي ادق الباب اتقولي خلصي يالعرووووس فجي الباب
ومن قالت لي العروووووووووس
قلبي دق
دربق دربق دربق هاهااي << تشبيه مثل ويهي ادري هع
المهم دشيت المطبخ اساعد اهلي ورتبت الفواله ودخنت الميلس كانت الساعه 12 لظهر وهم بيون عالعصرية المهممممممممم كل ساعه اسوي فحم وادخن الميلس خلصت العوود ههههه المهم كشخت شوي مب وايد حطيت بودره خفيفه وجلوس وبلاشر وجحال وانا اووني بستقبلهن وجان تقول امي انتي تخبلتي اقول ليييييييش<< قمه الاستهبال بعينه هع
قالت انتي ماتستحين انتي تمي في الغرفة عقب بنزقرج ههههه قلت لها لاااااااه ليششششششش مايصير بس بعد عناء الشديد ربطوني وخلوني في الغرفة هههه<< استهبل
وبعدييييييييييين بصراحه قمت ارتجف واخاف ااوني قمت أحس عدمي
بديت اتنافض ويلست يلست والا يت حرمه اخوي قالت تعالي يبونج ومن دشيت اتنافض واسلم بصوت واطي ماااقلت شي ويلست وتمن يبققن عيونهن وانا منزله راسي ومستحيه ولا شوي اخوي يزقرني يقول تعالي علشان يشوفج قلت لااااا خواته تمن يطالعن امي رقعت الموضوع قالت حليلها بنتي تستحي هههه وبعدين لبست عباتي وانا اتنافض والله يبين علي واحس برجفه مش طبيعية ودشيت الميلس كان يالس مع اخوي وانا دشيت مع امي واخته ماسكتني من ايدي لانها شافتني اتنااافض ماسلمت ولا شي عقب يلست كان التلفزيون مبطل عقناه سبيس تون اوني من المستحي جلبت ويهي وتميت اطالع ههههههه الريال يبا يشوفني وانا مجلبه هناك والله من المستحي كنت اطالع التيفي قالت لي اخته شوفي اخوي انا اقول حق امي مابا بروح خلاص امي اتقول ياولدي شفتها يقول لاا عقب قالت يابنتي طالعي صوبه اقول مابا هو يستهبل ومستتاااانس واخر شي اخوي قاااله هلاااا بويه شكلك تبا ترقد هني ههههه الريال ظحك وطلع اخوي قاله خذ يوم يومين وفكر ورد علينا الخبر قال الريال لااا اليوم برد الخبر انا اباها ودشت خاطري والحمد لله رب العالمين الامور طيبه ونتريال النتايج ونملج اذا الله راد
دعووواتكن ياخواتي وعقباااااااااال العزابيات ان شاء الله
مبروووووك حبيبتي وعسااااها فرحتج دايمه ان شاء الله
وعقبااااال اختي وخواااتي كلهم وكل البنات ان شاء الله
ربي يتمم لج على خير …مبرووك مقدما ..
هههههههههههههههههه ضحكتيني
الف مبرووووووووووووك يالغلا .. بالبركه ربى يتمملج على خير
عقباااااااااااال العزاابيه
المشاركة الأصلية كتبت بواسطة يدتي حياتي 
مبروووووك حبيبتي وعسااااها فرحتج دايمه ان شاء الله
وعقبااااال اختي وخواااتي كلهم وكل البنات ان شاء الله
الله يباااااااااارك فيج يالغاليه اميييييين يارب ومن قال ان شا ءالله
والله يوفق الجميع ويرزق بكل عزابية بزوج صالح عاجلا غير اجل ان شاء الله
وتسلمين اختي عالتعليق والرد الي يرد الروح ^^