نظام غذائي للحامل سلامة الحمل

السلام عليكم ورحمة اللة وبركاته ..
شحالكم خواتي الغاليات ..
الموضوع متعبنا وااااايد..
أول ما تعرسين تكونين عروسة والجسم محسوووووووووده عليه..
بس تحملين اشتهي هذا وهذاك واكل البيت ما ادري شو بلاه والحامض ما احبه والحلو ماصخ والى آخره <—- وحده عايشه المعاناة..
المهم توصلين التاسع وانتي بدل العشرة زايده عشرين كيلو..
تولدين وتسوين ريجيم وتذبحين نفسج وتنزلين ماشالله ان تنزلينه وبعد كم شهر ……. حامل مرة ثانية..
طيب شو الحل..
سؤالي…
1/ في وحده متابعة نظام غذائي حلو عند طبيب وهي حامل أو مرضع يعني يفيدها ومايضر النونو ؟؟
2/ أو في معانا أي خبيرة بهالانواع من التغذية الخاصة عسب تفيدنا ؟؟
المشكلة نحن لو بنحافظ بنفسنا حرام النونو اللي بنمو من تغذيتج ويعتمد عليها حتى الأخوات المرضعات ياريت يشاركون معانا..

ولكم مني جزيل الشكر ..

ماعندي علم اختي
فحبيت ارفع لج الموضوع عسب يفيدونج الاخوات

وانا بعد حبيت ارفعه

ان شاء الله الخوات يفيدوونج

اللي أعرفه اختي انه الحرمة الحامل لازم تركز عل الخضرة و الفاكهه و الحليب . و تاكل بروتين مثل البيض و اللحوم اللي ما فيها دهن وااايد … ز تبتعد عن الحلويات لانها ما بتفيدها او بتفيد النونو يعني سعرات حرارية عل الفاضي

تسلمين على المرور غاليتي غزل والغالية hmo0o0m
انشالله الخوات يفيدونا

جوزاء حرة تسلمين حبيبتي على المداخلة بس غيه وايد اشياء تستلطفها الحامل وفي وايد اشياء البعض مايحبها خاصة اول فترة
ولو ممكن حد يطرح رايه او تجاربه نكون سعيدين