نصائح امي الغالية للماميز

سلام عليكم الحبوبات و الماميز و ماميز المستقبل شراتي انشا الله
انا كنت عضوة بصمت و هذي اول مشاركة عندي و حبيت اشاركم نصائح والدتي الغالية دامني قمت اسالها كيف ربتنا و شو كانت تسويلنا و نحن بيبيهات .
من فترة شافت بنت حميتي مهورة وسالت كام عمرها قلت 6 شهور قالت لي ما يبين كانه 3 شهور بس سالت امها شو تاكليها قالت حليب و سيميلاك. و تنطلق الوالدة فديتها، قالت من 4 شهور تعطيها شوربة خضار الطريقة كالاتي :
خضار (بطاطا +جزر+كوسة اي شي عندج يعني )قطع صغيرة مع ملعقة عيش (رز) مع ملعقة زيت زيتون و قطعة دجاج او لحم او سمك يعني كل يوم شكل بدون ملح تطبخينه ف ماي و تحطي ف الخلاط .
و و تخليها وجبة رئيسية يعني غدا و عشا و بالنسبة للمرضعة ممكن تكون عندج مرضعة خاصة بالشوربة يكون راسها واسع او تغير بس الراس حق المرضعة يعني راس للحليب و راس للشوربة.
امي خبرت حميتي ادا سويتي ه البرنامج خلال شهر بتتحسن و بتصير اكبر.
و نشاالله انا ناوية اسوي نفس الشي حق البيبي مالي فديته و نشاالله في وايد نصائح بشاركن فيها عقب.

الله يحفظها ويطول بعمرها

هالشي يختلف من ياهل للثاني

بس بالنسبة لبنتي تندمت أني بديت ااكلها من اربع شهور كانت الرضاعه تكفيها ما سمعت الرمسه وبنتي تحسست وايد الله والحمد الله الحين احسن ومعدتها بدت تتقبل الاكل

المعروف طبيا بدايه اطعام الياهل من 6 شهور

انا ما اشجع الصراحه
انا ولدي كان قاصر بو 6 شهور يوم طلعته من الحضانه كان عمره 4 شهور
قالتلي الوالده حق يشبع سويله حليب مع فارليز الفليل حق يرقد عدل "فارليز ربع حبه "
ما كمل 3 شهور ع هالحاله الا تنفخ الصبي وصار كبير وااااااااايد
لين عمره 3 سنين عانيت معاه "طبعا اليده كانت تهربله حلويات مع البشكاره وانا ما ادريبه"
المفروض اللي في عمره 23 كيلو كان 26 الحين ما اعطيه حلاوه الا في الاسبوع مره الويك اند بس
الحين عمره 5 سنين ووزنه 24 كيلو ولحمدلله قدرت اصيطر عليه
بس عنده قابليه يمتن وحتى البطاطا مقليه ما اعطيه

عقب

الله يوفق الكل

وحليلهم امهاتنا.

قابلية كل ياهل للاكل غير عن الثاني. واستجابة كل جسم غير بعد

انا اعطي بنتي شوربة خضار. بس مااثرا بوزنها

انا اعطيها لانها صحية مب عشان تمتن.