نزول المشيمة ………………….؟ لصحتك

هلا الغالية والله ماعندي علم عن نزول المشيمة بس عليج بنصايح ميري

هاي دكتورتي وفنانة^^

انا صارلي من قبل وعليج بالراحة والنوم

انا الحين حامل في الشهر التاسع
ومن الشهر الرابع الدكتورة كشفت عليا وقالت ان المشيمة نازلة ولازم ارتاح
وكنت مسافرة ورجعت بالطيارة وسافرت اكثر من 3 مرات بس لمدة ساعة دول خليج طبعا ومن غير الكلية رايحة وراده

ولين الشهر الثامن المشيمة نازلة شوي بس بدون دم والحمد لله …. وفي بداية التاسع كشفو علي والحمد لله المشيمة ارتفعت …
ارفعي رجولج فوق او حطي مخدة وبنسبة للجلوس الافضل تجلسي تحت وترفعي رجولج

وحبيبتي ارتاحي واجلي العمرة والله يتقبل منج باذن الله

نزول المشيميه مش خطير الا اذا كانت نازله وايد لانها اذا كانت نازله وايد تغطي عل عنق الرحم مما يؤدي الى ولادة قيصريه – لكن اذا كانت نازله شوي عليج بالراحه وكل ما رقدتي ترفعين ريولج على اليدار او مخدة عشان ترد لوضعها الطبيعي – اهي تستوي لوايدات لكن الحمدالله اغلب الحوامل اللي يرتاحن ويا خذن احتياطاتهم ترد عندهم المشيميه طبيعي ويبالها تقريبا لين ما ترد شهر -المهم ارتاحي وحاولي ترفعين ريولج علي مخدة والجماع ما ينصحون فيه الدكاترة في هذة الحاله وتوكلي على الله

انسدحي وحطي مخده تحت ريلج ولا تشلين شي ثجيل … والسفر بالطياره بعد مب كل حد يسلم منه … لنه ضغط الطياره خطر على الحوامل … والله يسهل عليج وعلى الحوامل كلهم …

الغاليه انا بخبرج عن المشيمه انا بعد من بداية الحمل كل ما اسير للدكتوره اتقولي المشيمه نازله مع انه محد كثري

مرتاح يعني اغلب الوقت اتحصليني منسدحه والدكتوره اتقول انتي اتعبين عمرج اقولها انا اصلا ما اتحرك ولا اشتغل ولا

شي بعدين خبرت ريلي وربيعه دكتور قاله اصلا المشيمه تتكون بمكان التقاء الحيوان المنوي والبويضه اما اتكون

يمين او يسار او مرتفعه او نازله يعني تكون ثابته خاصه في بداية الحمل يعني انا مشيمتي من الاساس متكونه تحت

فكلما اسير للدكتوره اتقولي مشيمتج نااااااااازله بس بعد ما سمعت التفسير العلمي من الدكتور اقتنعت برمسته

خاصه اني وايد مريحه عمري وما اتحرك واستغرب يوم اتقولي المشيمه نازله

انسدحي وحطي مخده تحت ريلج ولا تشلين شي ثجيل … والسفر بالطياره بعد مب كل حد يسلم منه … لنه ضغط الطياره خطر على الحوامل … والله يسهل عليج وعلى الحوامل كلهم …