طلبي موجه لماكيرات المدونة وياريت رمستي ماتسبب حساسيه لكن …بس انا ملاحظه قلة مواضيعكن عن المكياج يعني ماشاءالله عددكن جيد بالنسبه للمدونة لكن بصراحه بين وين ووين الوحده منكن تنزل موضوع واذا نزلت خلاص ترقد عقبه فتره طويله جدا
انتن الخبيرات يعني ع الاقل مره في الشهر تسون موضوع حلو شراتكن وتنزلنه بتفاصيله المصوره
عشان البنات يستفيدن ويعرفن أكثر عن شغلكن وبالتالي هاي بتكون دعايه حلوه لكل ماكيره
ولازم بعد تكونن متواجدات كل يومين ع الاقل في هالقسم لانكن بتحصلن بنات وايد يسئلن عن أشياء وايد لكن قليل جدا منكن اللي ترد او تحاول انها تفسر للبنات اشيا كثيره البنات يكونن غلطانات
أنا طبعا عارفه ان الكل مشغول بمسؤولياته الشخصيه لكن بعد هالمدونة الحلو وهالقسم الفنان يحتاج منكن مجهود عشان اتظلن دايما متواجدات وبالتالي شغلكن يعلن عنكن
المهم عن الكسل ويللا راوونا شغلكن ….وحطو خطه لدروس تعليميه تبدون فيها مع بداية العام الجديد
عشان تفيدن غيركن ….ولاتخافن الرزق بيد الله سبحانه ومهما البنات سألن واللا استفسرن بتظلن انتن المهمات واللي الكل يدوركن في المناسبات يعني ما اعتقد ان كل البنات بيستون محترفات وبيستغنن عنكن
ملاحظه 1:أعرف ماكيرات يدخلن هالقسم ويشوفن اسئلة البنات ولايهتمن يردن عليهن ..ليش
ملاحظه 2: مثل ما قلت في البدايه ما أبغي حساسيات والحين بيبان تفاعلكن في هالقسم
انا ماشوف وايد يحطون لوكات وجذه يديده لهن .. وماشوف دروس بسيطه
مانبا الخبره مب مشكله بس على الاقل لو على شوي استفسارات اتردون وطبعا من ايد لإيد يختلف الشغل
وبالتوفيق للجميع
^^
^^^
^^^^
^^^^^
^^^^^^
^^^^^^^
^^^^^^^^
^^^^^^^^^
فـــــــــــــــــــــــــــوق
كلامج صحيح واسفه ع تقصيري واحاول قد ماقدر افيد البنات وارد ع الاستفسارات سواء من خلال الرسائل الخاصه او الموضوع الخاص الي نزلته عن الاستفسارات
وان شاء الله ناويه انزل درس مكياج بس ما شاء الله الحجوزات وايد ومب محصله وقت حتى البنات يطلبون صور يديده ومب قادره اصور
ان شاء الله اول مالقى فرصه اكيد اني بنزل درس بس مب عارفه البنات يحبون اي نوع مكياج اكثر عشان انزله اول واحد
تحبون الاوروبي ولا اللبناني ولا الخليجي؟
واعتذر مره ثانيه ع تقصيري وحقج علينا 
وانا حاطة مديرة عندها خبرة تستخدم النك نيم وترد ع كل البنات في حال انا مشغولة وكثير من البنات يسالون ع الخاص ونرد عليهم ومانهمل اي حد لكن التقصير فالمواضيع صحيح ويحتاج لوقت للتصوير والشرح والخطوات
ودايما الكلام النظري صعب تطبيقه والافضل بيكون في عارضة وللاسف الميكب مب بس العيون ويشمل البشرة كلها والشرح لازم يتضمن كل الخطوات من التنظيف الى اللوك النهائي واحنا ملزمين بقوانين المنتدى لانها ماتسمح الا بعرض العيون فقط وهالشي يقيدني
انشالله الكل يستجيب وانا ماعندي مشكلة ابدا وماابخل باي جواب لاي اخت تحب تسأل
ومستحيل اشوف موضوع ضمن اختصاصي وماارد باللي اعرفه وفي حال تاخرت بالرد احيانا فاكون خارج المنتدى لكن ماسجلت خروج
اعذرونا للتقصير