نتيجة خلطة الدوكوين و ريتن أ لتبييض المنطقه الحساسه! حل المشكلة

أكيدأ معظمكم سمع أو قرأ عن خلطة الدوكوين و ريتن أ للتفتيح . أنا أختي تعاني من سواد في المناطق الحساسه و منطقه احتكاك الفخذين لأنها كانت ما شاء الله مليانه بس الحمدلله نزلت وزنها بس السواد طبعا (علامة الجوده) ما يروح بسهوله , راحت عند دكتوره كنديه و كتبتلها وصفة الدوكوين و الريتن أ
المهم خواتي بدات المنطقه تقشر من ثالث يوم , أختي تقول ان الطبقه اللي تتطلع من الجلد لونها أسود
والمنطقه فتحت تفتيح بسيط بحكم انه ثالث يوم . الجلد اللي ظهر تحت الطبقة المشيوله أفتح شوي بس مب نفس لون جلد جسمها , يعني بعدها المنطقه تعتبر أغمق من الجسم . و بحكم ان وايد بنات جربوا هذه الوصفة , نبي تجاربكم ,يعني اللي جلدها اتقشر ,هل طبقة الجلد اليديد تحتها كان نفس لون الجسم و والا بعد غامج ؟ و شو السبب , هل هذا يعني ان السواد في هذه المنطقه يمتد لطبقة أعمق من السطحية و بالتالي لازم التقشير يستمر و الا بيتم الحال على ما هو عليه ؟؟