كنا سايرين بيت عمنا في يوم الإسبوع إللي طاف أوكيه..ودخلت بنت عمي كانت جاية من السوق وشارية حلاوه..عسب تشيل شعرها..
أوكيه..ولا خدامتهم فلبينية..تطالع وتقول ليش كل الحشرة والنجرة عشان تشيلون شعركم حلاوة وتلزق ماأدري شو..
قلت لها ليش يعني..إنتي ماتشيلين شعرج بالحلاوه..قالت لا..قلت لها عيل بالآلة..قالت لا!!
قلت لها عيل كييييييييف؟؟؟!! جان الخدامة الثانية تضحك وتكمل غسيل صحون..
جان تقول لي..إحنا الفلبينيات مانشيل شعرنا لا بالحلاوة ولا بالآلة..
إحنا نشيله………………………………..
بالملقط؟؟!!!
أيوه الملقط..أكيد عرفتوه كلكم..
بس بصراحة إستغربت..قلت لها كيف بالملقط مايستوي متى تخلصون وإنتوا تشيلوا..جان الخدامة الثانية تضحك((عنبو هاذي تغسل ولا قاعدة تسمعنا))..
قالت لي عادي..وحتى نشيله من المناطق الحساسة((إللي بالي بالكم))..
بصراحة إستغربت وقلت كيف جي..و ع فكرة هي متزوجة..وروتني باطها..بصراحة كان بيااااااااااااض في بياااااااااااااض..
وقالت لي أحسن من الحلاوة أو الآله..:1 (35):
بس بصراحة بنات..منو جربت هالشيء بالملقاط…ومنو فكرت بهالشيء أصلا..؟!!!
أتمنى تواصلكن وتفاعلكن..
والله انها عبااااااااااااااااااااااااالة ملقط عاااد ………..
بس بعد تخيلي هلاك كم بتشلين بملقط ؟
عني احب استخدم الشمع اللي يكون بورق اكيد عرفتوه مال veet اريح و اسهل و اسرع …
واسموحه
ما ادري شو السر بس عاد انا يبيلي مب اسبوع شهر وانا اشيل