شخباركم بنات
سويت هالموضوع عشان كل وحدة تكتب تجربتها ويستفدون البنات من التجارب اللي مرينا فيها
وخصوصا ان ربط المعدة انتشر هالايام بشكل كبير
المهم بنات انا جربت كل وسائل التنحيف يعني حبوب رجيم رياضة سباحة
لكن ماعندي ارادة اني اوقف اكل
المهم انا عندي 5 عيال بعد كل واحد كنت ازيد 10 كيلو وهالوزن ما ينزل ابد
لين وصلت الى وزن 100 من بعد ما كان وزني ما يتعدى ال 60
من سنتين كان وزني 90 و قررت اسوي شفط دهون و يااااااااليتني ما قررت
لان صراحة شفط الدهون لازم في البداية تنزلين وزن و عقب اذا في زوائد ممكن تسويلها شفط وهالشي ما فهمتني اياه الدكتورة
خبركم شافت الفلوس تلمع قدامها وين توصي والا تنصح
المهم سويتها
تخيلن بنات الحين اكره اللبس قصير قدام ريلي
بتسألوني ليش ؟؟؟
لان شكل ريولي صار مرعب تخيلن بنات عند الفخذ مصطح بشكل بشع و من الركبة وفوق بشبر منتفخ
يعني مش متناسق ابدن
هذا كوووووم والترهلااااااااااااااااااات كوووووم ثاااااااااااااااااااااني
جسمي ترهل مكان الشفط
صدقوني بنات الشفط ما يفيد اي حد متين
اذا وحدة قررت تسويها المفروض تسويها عقب نزول الوزن و الوصول للوزن المرغوب فيه
الحين وزني 101 و الاسبوع الياي ان شاء الله عمليتي ربط معدة
اللي رابطة وحابة تفيدنا بنصايحها تتفضل
و شو تنصحوني قبل ما اسويها ؟؟
تحياتي
دانة العاشق
تعتقدي أن ربط المعدة أفضل من قص المعدة ؟
يا ريت كل وحدة تكتب السلبيات والايجابيات التي واجهتها بعمليتها والنتائج كيف كانت
لأني أفكر بالموضوع جديا
ليش ما تجربين رجيم النقاط ما فيه حرمان و متنوع
شكرا شيماء
وانشالله اوصل للوزن المطلوب
النجمة الامعه
انا قريت عن كل عمليات التنحيف الربط اقلهم سلبيات
القص اذا طحتي في يد واحد مب محترف وايد بتتبهدلين
ام اليازية
شكرا على الرفع
عالية الغالية
ما اعرف رجيم النقاط ممكن اتفيديني به
الحمدلله استخرت
