يمكن وايد ناس ما تعرف شو يعني كيش …الكيش الله يسلمكم هذي فطيرة معروفة عند الفرنسيين وتعد من أهم المقبلات اللي تقدم في الحفلات والعزايم وبصراحه تبيض الويه ^__^
وهي نفس التارت تقريبا بس مانضيف للعجينة بيض
العجينة ( ممكن تزيدين الكمية حسب الحاجة هالمقادير تكفي 12حبة ) :
المقادير
زبدة 113 جم
4 حبات جبن كيري
كوب وربع طحين
ملعقة صغيرة ملح
نخلط الزبدة + الجبن + المقادير بالخلاط الكهربائي اليدوي وبعدين نضيف له الطحين والملح
وتعجن باليد لين ماتصير بهالشكل
[
طبعا مب هالكمية انا صورتها بعد ماشتغلت فكمية منها
وبعدين ناخذ قطعة صغيرة ونفردها باليد مثل اللي في الصورة ونبطن القالب فيها ( القالب نفس قالب التشيز كيك القاعده تتحرك وهالشي يساعدنا يوم انطلعها من القالب من غير ماتتكسر او تخترب)
الحين نحضر الحشوة (هناك وايد حشوات ممكن تشتخدمينها للكيش مثل دياي بالجبن سبانخ بالجبن خضار مشكلة جبن وبروكلي أوجبن وطماط):
مقادير الحشوة اللي اخترتها
فطر (علبة صغيرة او حسب الكمبية المرغوبة)
بصلة صغيرة
ملعقة صغيرة كمون وفلفل ابيض او اسود حسب المتوفر
ملعقة صغيرة ملح
فلفل اخضر
فلفل بارد صغير
بقدونس
2 بيضات
ملعقة جين سائل
ملعقتين جبن مبروش او موزريلا حسب المتوفر
2 فنجان قهوة كريمة مخفوقة
طريقةالحشوه :
أولاً : حشوة الفطر بالبصل
انقطع البصل صغير والفطر وبعدين نحمسه عالنار بالزبدة ونضيف البهار والملح
وبعدين نخلط البيض مع الجبن السائل وبعدها نضيف جبن الموزريلا والكريمة
وناخذ كمية من خلطة البيض والكريمة ونحطها على حشوة الفطر ونخلي الباقي للحشوة الثانية
وبتكون حشوة الفطر بالبيض والكريمة بهالشكل
ثانياً: حشوة البصل الأخضر والفلفل البارد والبقدونس
نقطع البصل الأخضر والفلفل البارد والبقدونس ونضيف عليه الكمية المتبقية من البيض والكريمة وبتكون بهالشكل
وناخذ ملعقة من الحشوة ونحطها في وسط العينة اللي في القالب و زينت حشوة البصل الأخضر بالزيتون الاخضر ولو زيتون اسود بيكون افضل بعد
[
وبعدين ندخلها في فرن لمدة نص ساعة تقريبا اول شي نولع النار من تحت لين ماتحمر اشوي نولع فوق
وهذا شكلها بعد مانطلعها من الفرن
وهذا شكلها بعد ما طلعتها من القالب بسهولة طلعتها من القالب وشوفو كيف كل حبة محافظه على شكلها
وهنيه سويتها بقالب التشيز كيك المدور
يالله اقربوووووووووو ^_____^ وقولولي رايكم فيها
يعطييج العافيه
