[IMG]
[/IMG]
حابه أعرض لكم خميري الميني الأكثر من رائع من ناحية الشكل والمضمون ( دعاااايه ) هههه
ندخل فالتفاصيل قصدي المقادير 
3 كوب طحين فاخر
4 ملاعق كبيره نيدو بودر
فنجان سكر
فنجان زيت
1 كوب ماء دافئ ( أو كوب وشوي) على حسب
1 ملعقه كبيره خميره فوريه
1 ملعقه صغيره بايكن بودر
ذرة ملح+ذرة كركم +زعفران
للوجه:
بيض مخفوقه مع قليل من الحليب السائل
سمسم ( الي يحب السمسم) على حسب الرغبه
وتقدرون تحطون زعتر بدال السمسم أو تشكلون بكيفكمالطريقه :
نقوم بوضع جميع المقادير مع بعض ونعجن لمدة عشر دقائق أو أكثر (كل ما عجنتي زياده) كل ما
كانت عجينتج روووووووعه وطريه … وعقب نتركها لمدة ساعه لتخمر … ثم نقوم بفرد العجينه كامله
ونأخذ القطاعه ونقطعها على شكل دوائر صغيره وندهنها بالبيض ونضع السمسم ونبدأ بوضعها فالآله
الكهربائية … صدقوني ما تاخذ وقت والنتيييييييجه ولا أروع مثل ماتشوفون
[IMG]
[/IMG]
أنا حطيت أربع حبات مع بعض فوق .. بس لازم تكون الحركه سريعه وتنتبهون عن يحترق
[IMG]
[/IMG]
وهنيه يوم حطيتهم داخل الجدر … شوفوا الخمير محلاااااااااااااااااه يمي يمي
[IMG]
[/IMG]
وهذي هديه مني لأحلى مدونة
[IMG]
[/IMG]
تسلم ايدج على هالخمير الغاوي.
رووووووووووعة شهيتينا .. تسلم الايادي بس عندي استفسار … العجينه يوم تفردينها
اتكون رقيقة والا ..؟؟؟ وهل تتركينها تتخمر بعد التقطيع بالقطاعة
كريزي مون ههههه بالعافيه الغاليه
وردة راك انتي الأروع تسلمين
شروق زايد العفو .. تستاهل انج اتجربينها
هنادي22 تسلمين الغاليه ( بخصوص العجينه ) رقيها وخليها خفيفه لانها بتنتفش .. وبخصوص التخمير
ما تحتاج كله في نفس الوقت افردي وقطعي وامسحيها بالبيض وابتدي بالشغل على طول ما تاخذ وقت معاج
سريعه ونتائجها حلووه .. جربيها رووعه
وخبريني بالنتايج