أنا وايد أحب الكيك من صغري … وتوتلعت من فترة بالأعمال الفنية وقلت بطبق بعض لمساتي الفنية على الكب كيك …..yyyyyyyyamy ……. I really love them
أخيرا قررت أدخل المطبخ وأسوي كب كيك وأزينهن بعجينة الفوندانت السائلة نفس مالت دنكن دونتس
خلطت عجينة الكيك الجاهزة باللون الأبيض وقسمتها لأربع ملل وأضفت ملونات طعام بكميات بسيطة لكل ملة لأني أحب الألوان الفاتحة ….. بعضهن سويتهن من لونين والبعض خلطت أربع ألوان في نفس الكب كيك ….على قولتهم رينبو كب كيك ….. هذا عقب ما صبيتهن بالملعقة في قوالب الكب كيك …. أما الميني فمن لون واحد ….
وبعد ما طلعتهن من الفرن
والحين يا وقت الآيسنج من عجينة الفاوندانت السائلة ….. 3/1 كوب كورن سيريب الشفاف و 3/1 كوب من الماي مع كيس ونص من السكر البودرة الناعم ….. إذا تريدين عجينة الفوندانت القابلة للتشكيل بتحتاجين تقريبا من ثلاث الى أربع أكياس من السكر الناعم
نضيف الكورن سيريب الى الماي
بعدين نضيف السكر تدريجيا
لين ما نحصل على عجينة بهذا القوام
نقسمهم على عدد الألوان الي بنستخدمها ونضيف لكل ملة قطرة من اللون وإذا بغيتي اللون أغمج زيدي قطرة ثانية لين ما تحصلين على اللون المرغوب….
غمسيهن في الملة وانتظري لين ما تنزل الزيادة …أو حطي الكريمة عليهن بملعقة صغيرة خصوصا للميني كاب…..
بعدين رتبيهن في الصحن مع بعض اللمسات الفنية وحلويات التزيين الجاهزة ( أول ما تغمسين الكيك ضيفي الزينة لأنه عجينة الفوندانت السائلة على طول بتجمد وما بيلصق عليها شي )
وهذا توقيعي وتقبلوا مني تحياتي مع كل كب كيك…..
طريقتج وااايد سهلة
الله يعطيج العافية وهنا عليكم حبوبه
ابغيي و الله شكله يشهي ما شاء الله
يعطييج العافيه يا مبدعة ^_^
كيس السكر البودر المستخدم كم قياسه ؟
كم مل او كم كوب؟
المشاركة الأصلية كتبت بواسطة حلى الروح 
كيس السكر البودر المستخدم كم قياسه ؟
كم مل او كم كوب؟
جاري حفظ الصفحة للتطبيق
تسلم ايدج يالذويقه انتي ^^