مو عارفه كيف اتصرف المومة و الطفل

طبعا انا لما سمعت بسالفتها حاولت اني اقربه من امه و قلت له انه اهي اكيد ندمانه و عشان جي رد و لكن زوجي لا حياة لمن تنادي و لكني ما يأست و قعدت على راسه لين ما كلمها و جدامي و سالها ليش رحتي عني و خليتيني لما كنت صغير قالت له انه صارت لها ضروف عائليه في بلادها عشان جي اهي سافرت و خلت اهلها بعد يكلمون زوجي عشان ياكدون لنا كلامها و بعدها بكمن يوم اتصلت و غيرت الرمسه اللي قالتها ( السبب اللي خلها تسافر بلادها ) و في كل الحالات كان الاعذار ما تمنع انها تتصل تلفون او اطرش رساله تسال عن ولدها , لا تقولون انها ضيعت العنوان لا لانه اهل زوجي من بعد ما سافرت كل شهر يطرشون لها فلوس يعني يوصلها عنوان المرسل لكن اهل زوجي لما شافوها انها ابد ما تسال عن ولدها رفضو يصرفون عليها لانهم عرفو بعد انها تزوجت
المهم انا قعت فوق راس زوجي احن عليه عسب ايبها اهنيه عندنا البلاد زياره ع الاقل و انها تحضر العرس مالنا بس اهو كان رافض و ما طاع ابد و انا يا بنات كل يوم كنت اكلم زوجي عن سالفه انه ايب امه عندنا

و مررت الايام و زوجي لا حياة لمن تنادي لين ما صار العرس و عرسنا و الحمد الله و اول اسبوع زواجنا زوجي عطا امه رقم تلفوني لاني قبل ما كان راضي و كنت اكلمها من تلفونه لما كان يزورنا في بيت اهلي .
و قامت تتصل ع تلفوني و كنت ارد عليها عادي و اكلمها و اهي كانت كل ما تكلمني تقول لي خلي ولدي ايبني لين بلادكم ابي ازوركم و ابي اشوفكم و من هالكلام و انا اروح و احسن فوق راس ريلي لين ما قرر زوجي انه نروح لها بلادها و نزورها و اتصلنا لها عسب تخبرها و تفاااااااجئنا بردها لا انتو لا تيون انا ابي اي و الله انا اشتقت لين عمي و عمتي (يدود زوجي ) و ابي اكون عندكم و ما ادري شنو طبعا نحن ساكني روحنا في بيت صغير يدوب يكفينا و خبرنا ان ما نقدر نستقبلها لانه ما شي مكان عندنا و بعدها بفتره قررنا نبني لنا بيت و خبرناها و الله اني ما اكذب عليكم كل ما تتصل اول شي تسال عنه البيت ها وين وصلتو في البنيان و كم غرفه و و و كله اخبارها عن البيت و بس و متى و كيف و كم و غيره من هالاسئله

المهم اهي دوم تتصل فينا ( بو رنه )يوم انا اكلمها و يوم زوجي يكلمها , و ذاك اليوم مرضت و كنت تعبانه و ما قدرت اكلمها و اليوم اللي بعده كلمها زوجي و قالها ان رحمه الكون مريضه ما تقدر تكلمج قالت زين عطني اياها ابي اكلمها و قالت لي لما ما تقدرين تردين على دقي رنه عسب اطمن عليج قلت لها ان شاء الله و اليوم اللي بعده دقت على و انا بعدني ما صحيت و ما اقدر ارد اتصل فيها لانه صوتي كان رايح حتى زوجي كنت اكلمه بالمسجات المهم دقيت لها رنه مثل ما طلبت مني و بعدها بكمن يوم اتصل لها زوجي لانه لما يكون بالدوام ما يتصل لها المهم لما اتصل لها قامت و تقول له كلام عني اني انا ما اتصل لها و اني ما اكلمها و انا يا بنات بس اتصالين بس اللي ما كلمتها لاني كنت مريضه و قالت له كلام لا صار و لا شي المهم زوجي عصب على ( اول مره زوجي يعصب علي بعد ما تزوجنا ) و زعل على و قام ينازعني بشكل مو طبيعي و انا منصدمه ليش كل ها انا شو الغلط اللي سويته عسب جي قالت عني , و أنا اللي كل ما اصبح وامسي اكلم زوجي عشانها و اخر شي جي تسوي فيني ليش؟؟