تخطى إلى المحتوى
الرئيسية » موضوع خطير :: تصغير الخشم بالماكياج….. بالصور

موضوع خطير :: تصغير الخشم بالماكياج….. بالصور

  • بواسطة

مرحبا بنات
انا يايبتلكم طرق تصغير الخشم بالماكياج من احسن خبراء اخفاء العيوب و مع جم ملاحظة من تأليفي .

قبل كل شي ولا وحده تقول خشمها كبير مايصلح له التصغيرشوفوا الصور و بتنصدمون

كل خشم يصير تصغرونه بس في قواعد
طبعا احنا غالبا نشوف الصور و الممثلات

وبس نلاحظ انهم حاطين لون بني غامج على جنبين الخشم و فاتح بالنص وما نلاحظ الاشياء الثانيه ولما نسوي الحركه نتفاجىء انه غير علينا و مو ضابط او انه مو مرتب ونقعد نقول ليش عليها صار حلو و علينا مو حلو اكيد اهيا مسويه عمليه تجميل لخشمها ولا ما يصير بس مكياج سواه جذي!
انـــــــــــــــــــــــــا بقـــــــــــــــــــــــــــــــــولكم ليش

لانه الله يسلمكم اول شي صح الممثله ممكن تكون مسويه عمليه لخشمها ليش لا بس مو هذا
السبب .!!

ثاني شي ممكن يكون فوتو شوب و هذا شي اكيد بكل الصور وخاصه اللي بالمجلات
ثالث شي : في قواعد لمه تيين تحطين اللون البني و في خطوه انتوا ناسينها .. تبون تعرفونها؟
1- اول شي لما تبين تعدلين الانف لازم الخطوط ماتكون اعرض من صبع ايدج الصغير, لازم تحطين الاساس على انفج اول..

2- بعدين حطي البودره اول الكومباكت الاساس المضغوط على كل الانف , ثم بدال الفرشه حطي طرف صبعج الصغير
بلون بني يعني يكون نقطه صغيره جذي

3- خلي مسافه اللي بالنص اللي بكون عليها اللون الفاتح سمكها او عرضها عرض صبعج الصغير
4- و حطي البني على طرفين الانف بصبعج الصغير مثل ماقلنا جذي

5- خففي البني اللي حطيتيه و لمه تخففينه حطي الخط مره ثانيه يعني ردي سوي الخطوه رقم 4 بس خففي
هالمره بس الطرف اللي ناحيه الخدود مو اللي مقابل للخط الثاني.
6- اخذي لون فاتح من الكومباكت مالج او اي لون بيج اللي بتحطينه بوسط انفج و حطي منه مثل الصوره.
حطي لون بني تحت عند ارنبه الانف عشان تصغرين انفج وتقصرينه بهالحركه و ارتب وايد و اخذي اللون الفاتح و حطيه بوسط الانف و كل هذا سويه بصبعج الصغير. او بالفرش الضعيفه اذا تبين بس احسن بصبعج لانه الفرشه راح تفرش و يصير الخط عريض أوممكن تستعملين فرشه صغيره وايد.

* طبعا هالخطوة اللي الكل ينساها و اهيا مهمه جدا مثل الصورة اللون الفاتح على جنبين الخشم فوق البني اللي حطيناه من الجنبين. و انا مالفتها بس تضبط معاي و اتمنى تضبط معاكم لانها بترتب كل شغلكم .
7 -اخيرا اخذي لون عاجي اللي تستخدمينه تحت عظمه الحاجب بس يكون فاتح لونه و حطي نقطه صغيره على ارنبه الانف
مو بالنص على كل انفج لاااااااااااااااااااااااااا نقطه صغيره فوق الخط البني اللي حطيناه على ارنبه الانف.

هذا الشكل النهائي وهذي زياده صور لانف شكله غير سويتهم لكم بالفوتوشوب للاستفاده

1-البني عالجنبين و تحت ارنبه الانف
2-نخفف البني و نحط اللون الفاتح على الجنبين وشوي فوق البني اللي حطيناه + بالنص على عظمه الانف


3- نخفف اكثر و ندمج الفاتح مع الاساس ناحيه الخدود + نحط نقطه من اللون العاجي على ارنبه الانف

و بس اتمنى اني وضحتلكم و تستفيدون.

موضوع حلو
أحسن من عمليات التجميل

وثاانكس ع الموضوع

جزاااج خيير اختييه عالطريقه

Wo0oW

صراحه حركه عجيبه

ثانكس يا الغاليه

مشكووووووووووره

واو روعة يهبل مشكورة ع الموضوع الرائع

انا من متى اسوي هالطريقه معني ما احتااج بس احس احلى ^.^

anyways thanks 3al maw’6oo3 =D

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.