.. موضوع حل المشاكل الزوجيه ارجو تفاعل ..

اتمنى هالموضوع مايتم فتره وعقب ماحد يتفاعل معاه اتمنى الكل يشارك الكل يستفيد ..

انتشر في الأونه الاخيرة سالفه الخيانات الزوجيه وكل وحده تشتكي وتذمر ,, والكل في الحالتين ينضر سواء انا وانتي . انتي تعبانه ومتضايقه انا يمكن ارد برد مب كفايه وانتي مب ناقصه واعطيج حل مب اووكي .. .. ليش الوحده ماتشووف بدأيه المشكله وتحاول تصلحها افضل لها لان المشكله صغيره يوم نهملها هي سبب انها تسوي فجوه وتزيد يوم بعد يووم .. .

اول موضوع بطرحه لكم هوو علاج الخيانه الزوجـــية
… .. تابعووني ..

كم وحده منكم اكتشفت زوجها ع علاقه مع وحده وتمت مثل هاصورة تصيح وتندب حظها وتدعي وتفش غيضها في عيالها ويمكن تسوي شي بعمرها .. ليش ؟؟؟؟؟؟؟؟؟؟؟؟؟؟؟؟؟؟؟!!

كل هـــذا .. ان صار لج مرض ولا انفجر عرج في راسج هازوج بينفعج مثلا………..!! فكري بعقلج لا بقلبج .

اول علاج هوو تتفألين مثل اللى في صورة وتفرين كل شي ورااج وتبديين بنفسسج ..
.. اول شي بسأل انتي تحبينه .؟ فعلا انتي تريدين تردينه لج واحسن ع قبل بأذن الله ؟ ولا هو بس انا بقرأ طبقت طبقت ماطبقت مب لازم .؟ لازم تتفألين خير وان كل شي بأذن الله بتغير ..
تفسير قوله تعالى (إن الله لا يغير ما بقوم حتى يغيروا ما بأنفسهم)
اذن اول شي تبديين بنفسسسج انتي .. لان نفسج غالـــية عليج ولان اذ خسرتي نفسج ونزلتي من مستواها فاقولج غيرج مابيحترمج طول حياتج ..! اول شي ترفعين من شأن نفسسج .. بتقولن كيف
اللى الكل يغفل عنها كم وحده منا تشتكي لربيعتها وتعطيها شحنات سلبيه سوي وقولي وحطي وفالاخير ربيعتها تفقد علاقتها مع زوجها بسب نصائح غلط فاتمنى اللى بتشتكي تشتكي ربها .. ..

.. العلاقه مع ربج سبحانه ووتعالى ..
حتتى تتوفقين في جميع امور حياتج والله يسخر لج هازوج بأذن الله
فقد ثبت عن رسول الله عليه الصلاة والسلام أنه قال: ((يقول الله عز وجل: من ذكرني في نفسه ذكرته في نفسي، ومن ذكرني في ملأ ذكرته في ملأ خير منه، ومن تقرب إلي شبراً تقربت منه ذراعاً، ومن تقرب مني ذراعاً تقربت منه باعاً، ومن أتاني يمشي أتيته هرولة)).
.. الكل غافل الكل ينسى يذكر ربه بس مجرد يذكره ويتسغفر ويشكي له همه بيحس برتياح فظيع
كل ماتواجهج مشكله ولا عائق في حياتج توجهي لر ب
السموات ذكريه .. الابذكر الله تتطمئن القلووب ..
لتكن علاقتنا بالله خالصه لوجهه وكل عمل نقدمه لازواجنا نحتسبه لربنا والله العظيييم بتحسن بفرق وعالم ثاني لان كل مااحتسبتي الاجر وصبرتي ع اذي زوجج ربيج مابيضيع حقج .. وحسابج كبيررر بأذن الله ..
بس نحن مشكلتنا نغفل ع هاالاشياء البسطيه اللى وراها سعادتنا ونبحث عن الاشياء سلبيه ..
االلى تهدمم اســــر ..
فاجربي من اليوم تخصصين ساعه لذكر .. والقراءة والاستغفار ولاننسي قيام الليل ..

..2..استعادة بناء الذات ..حتى توصلين للقمه

من خلال الاهتماام بهاا .. لج مب لزوجج كم منا ماتسبح بس قبل لايعشرها زوجهاا.. ظنا ان هذا حق من حقووقه وهي مسكينه تضحك عن نفسها وناسيه حقووقها هي ..
.. كم وحده منكن تلاحقه وتسأله شو تحب تأكل .. كلت تغديت والاتصالاتها اللى ماتخص ومسجاتها
ظنها حليلها تسعده ووتقرب منه ع بالها تبين له حبه وهو بالحقيقه طفشان من ملاحقته له ..

كم وحده منكن تشوف افلام وليالي رومانسيه
وتقول بسوي لزوجي وتكسر عمرها في اعتقادها الخاص ان هاليله ليله عظيمه ريلها من بيشوفها بيقول فيها شعر غزلي وبيسوي لها مثل الافلام
مع ان تنتهي حفلات الرومانسيه بخبيييييييييه امل كبيييييرة عند الزوجات ظنن ان ريلها بيقول وبيمدح واخر شي يحط راسه وينام وهي تم مذهوووله وكم وكم واااااايد اشياء لو اكتب ماخلصت

هذا كله غلط انتي اهلمتي نفسج كيف تردين زوجج بنتبه لج ويحبج اذ انتي ماحبيتها .؟؟!!!!

كيف تستعدين ذاتج وحبج لنفسج .

وتبديين تذكرين ايام العزوبيه كيف كنتي كيف شخصيج الحلوة وكيف كنتي تكشخين وكيف كان ذوقج حلوو في اختيار الملابس ..

ابدأئي بتغير فورا لاتقولين ماقدر تقدرين وانتي قدها
والحرمه لو تريد تغير جبل بتغيره بقووة ارداتها
الحين كل شي متوفر عندج في البيت وصالوون ..

كم وحده تشووف جسمها ولا شي ودايم تبدأ تحقره عندج الاداوت كلها بالبيت

شغلي بانيوو واضيفي له زيوت عطريه وياليت زيت الافندر عن تجربه يهدددددئ الاعصاب وجنان
وضيفه في البانيو وادخلي فيه وغمضي عيووونج
وتخيلي اي شي حلو وامدحي جسمج انا حلوة انا مغريه انا اقدر اجيب رأس زوجي انا يحبني وتمي مدحي نفسج ارسلي طاقات اجابيه .. انا احلى عن جسم نانسي و غيرها
وعقبها سوي لج حمام مغربي في البيييت ,,
صراحه مايباله انا شخصينا اسوي لعمري بدال ماتكشف في صالووونات وروووووعه يعطييج احساس بنعووومه وثقه بنفس انج متظفه ونعوومه وامورج طيبه ..
عقبها استرخي اقري مجله جريده .. تريييح راسج من تفكير ليش خاني وانا شو فيني وانا وانا ولووم يقتل كل شي آآآآآآآآآآة بس

…..3 .. السر الثالث الرياضه اللى تعطيح اساس باطاقه والحيوويه ..

كم وحده من تزوجت نست ع الاقل تتحاسب ها وكم وحده لها كرش وتقول يباني يباني مايباني يولي واالله انا جيه وعقب تكتشف صورة عند ريلها في تلفون وتبدأ صياح وتقول انا بشو قصرت ليش يسوي جيه ناسيه نفسها .. للأسف الزوج وفي هازمن زمن الاغراء والفتتتن في كل مكان الله المستعان مابيقدر يمنع عيونه مايشوف اذ زوجته ماسدتت هاشي وبدأت ع الاقل ترتب اكلها تسوي ع الاقل رياضه لاتقولن ماشي حمد الله كل شي متوفر نت متروووس صوووور .. ومايصر .. بس مشكلتنا التكااااااااسل ..

4.. الابتسامه

.. كم وحده منا ماتضحك عند ريلها واعرف ناس شخصينا مايضحن ويسولفن الا عند ربيعاتهن ياسبحان الله وعند اللى هو له الحق مادات البوز بسب تافه ليش يوم طلبت طلب مانفذه خلني أرويه اني معصبه يولي والله وتم معصبه مع ان الابتسامه في وجهه اخيك صدقه وهذا مب اخ هذا اخ وحبيب وزوج وشريك عمر وتحصلينها نادر ماتضحك وعند هلها اخر الممر شالها دنيا بضحكتها وانا والله اشوف بنفسي واستغرب واخر شي يتعرف زوجها ع وحده بدوام يشوفه فرفوشه مبتسمه متفأله يحبها بعكس زوجته مكشره معصبه ماتضحك فيقارن من بين 2 فيختار ربيعته حياه حلوة تقصر العمر فرفوشه مأخذه الامور ببساطه عطس زوجته زعلها شوي زعلت يوميين عليه ومارضت بعد اذ راضاها .. و ع هالحال
كم وحده منا نست هاشي المهم وهي الابتسامه اللى تعبر عن مايدور بخاطرج .. وهي اهم سلاح وجاذبيه للأنثى فأنتبهي له .

.. 4 .. المظهر الخارجي .. المكياج الشعر العطر اللبس ..
, كم وحده ماتتكشخ لريلها .؟! الا اذ طلعت لمناسبه تشوفينها متصبغه .. ! تحراها مهرج
وعند ريلها ربي كما خلقتني .. عجبنا لأمر هذيلن الزوجات وانا اعجب منهن بصراحه ..
والشعر حدث ولاحرج.. والعطر ماشي ريحتها تفووح مطبخ ولاغيره .. اللبس بجامه واسعه يدخلوووون فيها 2 .!!!!!!!!!!!!! لاحول ولاقول الابالله ..

تراا اهم شي مظهرج شكلج واذ فقدتهم تأكدي ان زوجج لاتلومينه اذ شاف برا لان انتي دفعتيه لذلك ابدأئي ومن اليوم توقفي اذ انتي من الناس المهمله لنفسهم واكشخي لذاتج انتي مب هوو تلبسي وتعطري ولاتنسين شعرج تغيريه بين فتره وفتره حطي له اكسسورات ناعمه تخلي شكلج كيووت ودلع .. وتمكيجي ارسمي عيوني غيري مره هادي مره ثقيل مره خفيف وجيه والحياه مستمره
انتي بنفسج بتحسين بتغير واذ هو شخصينا قال شي مثلا علق ع لبسج لاتقولين صددق مب حلو بروح اعقله لا خليييح قويه وياجبل مايهزك ريح وقولي
بالعكس الا ظاهره خبال واجننن وانت اكيد تقول جيه بس تستهبل واعرف حركاتك واغمزي له . مره ع مره هو بنفسه بيعجبه لوكج بأذن الله . .. .
وبيقدر حبج نفسج وثقتج العاليه وهذا مايدوره ريال ويبحث عن برا وحده تحب نفسها شخصيتها حلوة دلعه ..
.. 5 .. الصووت .. ومادارك ماصوت اسر ملايييييين
بس صووت ودلع .. والغنج .. وهذا اهم سلاح تستخدمه العشيقه هي مب حلوة ولاشي بس صوتها يذذذبح حركاتها دلعها ضحكتها كم زوجه يناديها زوجها ترد بصوت عالي كانها واحد بو شباب خخخخ .. اتقني ودربي تخفضين من صووتج .. وتحاولين تبتسمين ..
..5 . الغموض واالاسرار والجاذبيه ..
الزوج يموت ع الزوجه الغامضه كيف يعني لها شخصيتها كيانها الخاص برستجها مب يعني كتاااب مفتووح لا تخليه بغموضها يجري وراها حق يعرف شو عندها وشو تخبى وهي بذكائها طبعنا تخليه يفكر فيها وبنسى غيرها .. ..
مثل يعني بتروح صالون ولا بتزور ربيعتها وقالها شو بتسوين في صالون تقول اشياء خاصه وتضحك لها بدلع وبس. مب تقول بروح اشل حلاووة وع طالع شعر في يدييه كيف وتنبه لشغلات غافل عنها .. هو
ويشمئز منها .. ويتم يتخيل ويتخيل لا توقفي عن ذلك افضل لج وله .. لج بتسوين اللى تبينه وله بيقعد يفكر شو بتسوي وجيه افضل .. ..