ملف لجميع انواع القهوه والنسكافيه والكابتشينو……………
نبى نشوف خبراتكم في اعداد القهوه و كابتشينو طلعوا شطارتكم …………
ولي عندها خبره في تزيين الكابتشينو تشاركينا في هذا الملف……….
ولي عنده خبره او معلومه حلوه عن القهوه واجود انواع القهوه تساهم ويانا عشان الكل يستفيد…………
ولي عندها اي سؤال او استفسار تسأل وان شاء الله الكل يستفيد……….
المشاركة الأصلية كتبت بواسطة الخقاقة 
بيالتين من كل من سكر بودرة+ تستر شويز < قهوه + ماء ..
قومي اخلطيهم بخلاط الكيك يطلع انفش وفيه رغوه ..
راح تطلع لك مثل كذا ..
قومي حطيها بحافظه وبا الفريزر واستخدميها وقت الحاجه ..
وقومي فوحي حلللليب بريق وبعدين خذي ملعقه من الكبتشينوا وحطيها با الكاس وصبي الحليب عليها شوي شوي وشوفوا النتيجه …
منقووووول لعيونكم
هنا وش سويت !
يوم صبيته وخلصت حطيت هيرشي ع الاطراف وبس نزل تحت وصار ها الشكل ..
اتمنى انكم تجربونه ويعجبكم
المشاركة الأصلية كتبت بواسطة علايـــه 
شرااايكم في الكابوتشينو ماالي؟!!
احم احم >> أخجلتم تواضعي >_<
,،,،,،,،,،,،,،,،,،,،,،,،,،,،,،,،,،,،,،,،,،,،,،,،,، ,،,،,،,
أول شي الله يسلمكم.. المقادير..
حليب فرش
كيس كبتشينو نسكافيه ( 3 في 1)
حليب رينبو بااارد >>> لازم عشان الرغوه
+ غرشة مسافي فاضيه
,،,،,،,،,،,،,،,،,،,،,،,،,،,،,،,،,،,،,،,،,،,،,،,،,، ,،,،,،,
الطريقه..
تسخنين حليب فرش..
في الكوب… أفرغي كيس الكبتشينو.. وحطي شوية حليب وخلطي لين ماتستوي مثل العيينه السايله..
تصبين الحليب الفرش الساخن فالكوب.. واخلطيه..
,،,،,،, ((الرغوووه)) ,،,،,،,
تيبين غرشة المسافي .. وتحطين فيها مقدار فنيانين من حليب الرينبو البااارد >> لازم بارد
واتمين تخضينها خض لين ما تنكسر ايدج >> بسم الله عليج
وبتلاحظين غلظ الحليب واستوت فيه مثل الرغوه..
تصبينه شوي شوي فوق الكبتشينو.. بس لاتخلطينه ولا بيبرد الكبتشينو من الرغوه البارده..
وانثري فوقه كاكاو بودره..
وبالعااااااااااافيه عليييكم..
,،,،,،,،,،,،,،,،,،,،,،,،,،,،,،,،,،,،,،,،,،,،,،,،,، ,،,،,،,
(( ادعووولي ان الله ايسر علي جميع أمووري ))
المشاركة الأصلية كتبت بواسطة 3yo0on_Al_Maha قلت خلني انقلها إلأكن..
لأصحاب المزاج جبت لكم طريقة القهوة الفرنسية
المقادير
2 ملعقة صغيره قهوه فرنسيه
علبة واحده حليب ريمبو -حليب أبو قوس
ملعقه صغيره كاكاو بودره
نصف ملعقه صغيره نسكافيه
3 ملاعق صغيره سكر
رشة فانيليا
نصف كأس ماء
الطريقه
نغلي الحليب والماء على النار و نضيف عليهم القهوه الفرنسيه والكاكاو
والنسكافيه والسكر ورشة فانيليا ، نخلط المكونات مع بعض وهي على النار لين
نحس انها تمازجت مع بعض
طبعاً بخصوص المقادير ممكن تقللون من بعض الأشياء أو تزيدونها بحسب
الرغبه ، بس المقادير الموجوده بالنسبه لي مناسبه
يالله ان شاء الله تعجبكن الطريقه ..انا عن نفسي لين ألحين ما جربتها..
منقول من الايميل..
المشاركة الأصلية كتبت بواسطة اسيرة قلبه عندي لكم اليوم طريقه تـاخذ العقل للتزيين النسكافيه .. بتخليكم تشربون النسكافيه كل شوي
بس بالاول نحضر المقادير
نسكافيه
كريمه مخفوقه بيضاء
شوكولاته سايله
الطريقه
الطريقه طبعاً بالصور عشان تسونهاا خطوه بخطوه
اولاً = نضع الكريمة المخفوقة في الوسط ونضعها عند الاطراف على شكل دائري
ثانياً = نضع الشكولاتة على شكل دائري عند الكريمة كما في الصورة
ثالثا = نضع الشكولاتة حول الكريمة الداخلية على شكل دائري
رابعا = ضعي عامودا من الخشب في الوسط على الواجهة فقط مثل ما في الصورة
خامسا = ثم التمرير الى طرف الكوب مثل ما تشاهدين في الصورة
سادسا = ثم التمرير نحو الاعلى والاسفل واليمين واليسار
سابعا = سيصبح شكل قهوة كما في الصورة
ثامنا = ومن تم التمرير بالعكس وبعدها من كل الاتجاهات
كما هو ملاحظ في الصورة
ان شاء الله تعجبكم وبالهنااااااء والعاااااااافية
المشاركة الأصلية كتبت بواسطة مجنونة حمد 😉
– 2 كوب حليب سائل ساخن .
– ملعقة نسكافيه .
– ملعقة بودرة كاكاو .
– 3 أصابع كتاكات .
الطريقة :
– توضع جميع المقادير في خلاط الكهربائي
حتى يتكون له رغوة و يصب في الأكواب ويزين بالقرفه المطحونة .
– الكمية تكفي لشخصين .