.gif "12 (73)")
منورين الموضوع
انا نزلت هالموضوع عشان يكون مرجع مفيد للجميع, كل وحده سارت تركيا تفيدنا بالاشياء المهمه ومنها:
الشهر اللي سافرت فيه
حالة الطقس
الاماكن اللي تنصح فيها
الفنادق
المطاعم
واهم شي الاسعاااار
وبلييييز بنات فيه نقاط تكون بسيطه لكنها فعلا مفيده لغيرج، مثلا سكنتي في الفندق الفلاني وعيبج لكن في شي ماعيبج فيه سواء الخدمه او النظافه او او او
ياليت تذكرولنا الايجابيات والسلبيات, ولو قدرتوا بعد تدعمون الموضوع بشوية صور بيكون احلى وفيه شوية حياه، اتمنى الكل يتفاعل ويساعدنا بالمعلومات اللي عنده
.gif "12 (63)")
انا عن نفسي سرت مرتين المره الاولى 2024
الشهر: 6
الطقس: معتدل تقريبا لاهو حر ولا هو برد وفي امطار بين فتره وفتره
الفنادق: (اسطنبول-الانتركونتيننتال سيلان في التقسيم)
رايي في الفندق: سلسلة فنادق الانتركونتيننتال غنيه عن التعريف لكن صادفتنا مشكله، وصلنا تركيا الصبح الساعه 8 تقريبا وطبعا الجيك ان الساعه 12 الظهر، فتخيلوا واصلين تعبانين وانجبرنا ندور فالمنطقه اللي عدال الفندق لين وقت الجيك ان 
بس الفندق بصراحه ماعليه كلام فيه حديقه تفتح النفس وكل عصر تسمعون موسيقى من الحديقه، وطبعا الغرف ضيجه والحمام عزكم الله مافيه شطاف، سيكيوريتي 100%.
(اسطنبول- فندق مرمره)
واحد من افخم واقدم الفنادق في التقسيم, سيكيوريتي 100% نظيف طبعا بس الغرف ضيجات والحمام بعد مافيه شطاف, اول ماتدخلون الفندق شي محلات ورا السلم الكهربائي بس اسعارهن غاليه وماحس فيهن شي يرزا والريسبشن فوق.
(طرابزون-نوفوتيل)
وايد حبيت هالفندق, يديد ماصارله واااايد يعني, سيكيوريتي 100% نظيف ومافيه شطاف,الغرف حجمهم بعد صغير لكن المنظر فعلا روووعه في حالة خذتوا الغرف المطله ع الحديقه والبحر، شي حديقه وشاطيء للي يبى يلعب كوره او يسبح او ييلس وشي مطاعم.
(اوزونغول)
اكيد طبعا اكواخ بس ناسيه اساميهن لكن بشكل عام اغلبهن تقريبا غرفهن صغيره وكل شي ينسمع واحلى شي صوت الشلالات فالليل, انصحكم تاخذون كفرات للشبريه.
برجع بكمل فأقرب فرصه وبحاول انزل صور، واتمنى تتفاعلون وياي فالموضوع وبليز بنات مانبى ردود عاديه تترس الموضوع وبجذيه الباقين مابيستفيدون.
يالله شدوا الهمه .gif "12 (94)")
رجعتلكم
المولات في اسطنبول وايد ونصيحتي لكم اول ماتوصلون مطار تركيا على طووووول شلوا البروشورات، انا جيه سويت، خذت بروشور المولات وبروشور خريطة اسطنبول وخط المترو, ويوم وصلت الفندق يلسنا وطالعنا الخريطه وبما انه كنا ساكنين في مرمره مجابل محطة المترو قلنا بنستخدم المترو لانه التكاسي وايد قصبونا
في السفره الاولى, وكل مره كنا نختار مول غير ونتبع الخط ماله ونسير المترو حسب الخط اللي نباه ولاخساير ولاغيره ومتعه اكثر بصراحه بس اللي عندهم يهال ماانصحهم موووول بالمترو لانه تعذيب صعده ونزله ودري متحرك خصوصا اللي عيالهم صغار ويستخدمون ترولي وايد بيتعذبون، بالنسبه لاسامي المولات بذكر اللي ايي فبالي حاليا والباقي بدوره عقب وبحطه فالموضوع.
مول استيني بارك اكبر مول في اسطنبول واحلى مول وفيها ماركات عالميه ويلسات وكوفيات مجابله البوتيكات من غير اللي داخل, المول فعلا يستاهل الزياره، اذا بتسيروله عن طريق التكسي بياخذ عليكم وايد.
مول اوليفيم، مول صغيرون زين فيه محلات اسعارها معقوله اكثر وفيه مكان لليهال يلعبون وفيه مطعم وايد حلو فوق ماعرف اسمه بس بتشوفون فيه عيايز تركيات يخبزن.
مول جواهر مول كبير وحلو وفيه وايد محلات حلوه وألعاب للكبار والصغار وساعات يسوون فعاليات فالساحه اللي برا مجابله البوابه الرئيسيه للمول وشي كوفيات هناك اذا حبيتوا تيلسون.
مول غاليري او غاليريا شي جيه، ماحبيته صغير ومافيه شي يرزى ان الواحد يتعنى ويسيرله، يعني مضيعة وقت بصراحه .
السوق المصري اعتقد اللي عدال الجامع، مب المكان اللي وين البهارات لا، كملوا مشي بتحصلون عماركم دخلتوا في تخشيشات شرات المحلات الشعبيه، عباره عن خناخيش وايد حبيتها فيها اشياء حلوه خصوصا اللي تأثث وتدور شي سعره معقول (اقصد المواعين طبعا ).
المطاعم
ببدا بالفاست فود
كنتاكي لالالا
بيتزاهت لالالا
مكدونالز اوكي وانصحكم تجربون الميلك شيك عندهم وخصوصا الستروبري يمييييي
اما المطاعم التركيه فهي واااااااايد ماشاءالله والواحد يحتار بس في مطعم كنا نحب نسيرله ونيلس فيه اسمه اوز اورفا مكان في التقسيم في السيد اللي فيه مكدونالز اللي عدال المترو المقابل لفندق مرمره، جربت الشيش والبيتزا تجنن والكنافه روووعه واللحم بالعجين والشاي طبعا لاتخلوا اليلسه من الشاي التركي بس فيه عيب ان اليلسه مطله عالشارع والشحاتين يخربون اليلسه عادي تلقين شحاته صغيره عافده فويهج تطلب .gif "12 (69)")
وانصحكم في كل مطعم تشيكون حسابكم عدل لان بعضهم يستهبلون خص هذا المطعم.
في مطعم يسوي سمج في الشارع المقابل للمطعم اللي خبرتكم عنه توني ماعرف اسمه بس بتشوفونه عارض السمج برا ويخليكم تختارون السمج اللي تبونه ويطلعه لكم ويسويه فرش واكله فعلا لذيذ, المطعم في بداية المدخل المؤدي لمجمع فنادق داخل للي يبون فنادق اسعاره شويه اقل عن مرمره والانتر وجراند والهيلتون وووو.
اللي يحبون الجيز كرواسون والفرش اورنج جوس ع الصبح انصحكم بالكوفي اللي تحت مرمره تماما قبل ستاربكس، فيه يلسه داخل وبرا والكرواسون عنده وايد حلوووو.
لي عوده 
وسددني، اللهم إني أسألك الهدى والسداد
بالتوفيق ان شاء الله جزاج الله خير على المعلومات
انا رحت تركيا شهر 7 سنه 2024 تقريبا 10 ايام 4 ايام بورصه و 3 ايام يلواا "ترمال" 3 في اسطنبول اول مره وتتكون من حوالي 15 شخص مع الصغاريه
وكان الجو في بورصه حلووو معتدل على قولتهم لا امطار ولا شياته .. بس بارد سكنا في فندق الميرا خدمتهم جيده جدا من كل النواحي .. وقريب من المول بس ما اذكر شسمه >< .. وعقب فالفندق نفسه سرنا عند واحد مال السياحه ف ودانا عند الشجره لي عمرها 500 سنه مادري 600 ورحنا الشلالات .. وصعدنا فوق الجبل عشان انشوف الثلج وركبنا التلفريك والمطعم لي انتو روحكم تشون و مصنع القطن والقريه العثمانيه والمركز المصقف شي جيه اسمه ماسرنا يقولون عنه وايد اماكن رحنا ما اذكر بصراحه .. وبعدين انتقلنا الى يلوا منطقه ترمال فندق تيرلونيوم وكان بعد حلو وهادي والمكان بعد حلو يطلع عالمناظر حلوه ..ورحنا بحرهم وايد حلو مشاءالله تشوفين الامارات كلها هناك .. وكان جو ترمال بعد بارد اما لما رحنا اسطنبول كان حر وما اذكر شوه اسمه الفندق بس في شارع تقسيم بعد كان حلوه والصراحه هالشارع رهيب لا ليله ليل ولا نهاره نهار اجوائه حلوه ماله داعي تطلعين من هالشارع كل شي تحتج من سوق لين اكل .. وفي اسطنبول كانت عدنا رحله مجانا ودونا المتحف و المربى المائي مالهم و تلفريك لي يوديج المطعم لي عند المقابر يشربونا جاي >< قلن الاماكن ولكن هم مستمعين .. استمتعنا صح .. وبس تلعوزنا عشان الصغاريه بعد الرحله ماتحلى الا فيهم .. بس اكثر طلعتنا كانت ف بورصه لانه المكان لي تمينا فيه وايد .. ويبالج ترتبيت صح لرحله عشان ماتتلخبطين وافضل نحن كنا متربين بس لي لعوزنا الباص كانو يبون ل 12 نفر ونحن فوق الـ12
وشهر 1 و2 عندهم بروده وثلج الجو جدا بيكون جاامد جوهم حلوو
بورصه واسطنبول 4 نجوم وترمال كان 5 نجوم .. هالفنادق مع الفطور
بالنسبه للمولات في طرابزون زرت اكبر مول عندهم اسمه فورم، وايد حبيته، فيه محلات حلوه ومطاعم وايد حلوه انصحكم بهذا المول، وسرت مكان ثاني ما اذكر اسمه بس كان مثل مكان مرتفع شوي وشي مثل الحديقه فالنص و دور مادار مطاعم ومحلات شنط مقلده وملابس و و و و، بالنسبه للمطاعم جربنا مطعم يسوي شاورما كان على زاويه، فاشل جدا، والمنطقه ماتصلح فالليل لان السكارى عزكم الله يبدون يطلعون، بس طرابزون بشكل عام تستحق الزياره اذا كنتوا ناوين تسيرون اوزنغول، واهمممم شي انكم تستأجرون سياره لانها واااااايد بتنفكم وبتستكشفون مناطق وايد بساهم شي ماتنسون الخريطه او جهاز الجي بي اس.
من اجمل و احلا الدول الي رحتلها تركيا
و الاكل اللذيذ ^^