بسمــ اللهــ الرحمنــ الرحيـــــــــــــــــــــــــــــــــــــــــــــ ــمـ
السلام عليكم ورحمة الله وبركاته
اشحااااالكم بنات عساكم إلا بخير
كالعادة … أرجعلكم في كل شي .. قراراتي .. أرائي .. او اي شي احتار فيه او اشاركم فيه ..
الموضوع يقول .. اني بعرس ان شاء الله بالصيف .. وشهر العسل بيكون في موريشيوس
(( سبحان الله هالجزيرة .. عزمت الكل عليها .. في شهر العسل .. من 3 سنين .. وانا اي حد يعرس .. اقوله.. سيروا جزيرة موريشيوس ….. وكل الدعايات .. مو مستوية إلا لمورشيوس))
سبحان الله .. انا شهر العسل حبيت ريلي يختاره لي .. اشوفه وين بيوديني .. ع راحته .. ما ابي اتشرط .. اباه يفكر براحته .. وع كيفه .. جي شرا ما اتقولون احس شهر العسل هدية من الريل ..
المهم .. اول شي قالي .. بنروح ايطاليا .. مب رايحنها هو من قبل .. وهي بلدته المفضلة .. وقال يمكن خذنا اي بلدة ثانية معاها .. بعدين … وانا اقول براحتك .. اللي اتشوفه .. بعدين اغلبية ربعه نصحوه .. وقالوله .. شهر العسل .. سير ماليزيا .. احلا مكان لشهر العسل .. وهالرمسة قبل 3 أسابيع .. وهو يحليله .. قبل كان يشوف بكيجات ايطاليا وصوب اوروبا .. عقب قلبها ع ماليزيا .. ومن فرة لفرة …
المهم سالفة ماليزيا هو راسي عليها .. خلاص .. ويدور شو احلا بكيج .. واتخيلوا قالي .. انا دورت واااااااايد اماكن .. بس بعدي ما رسيت .. قالي المرة الياية بظهر معاج وان شاء الله نحجز ,.. وهالمرة صار العجب العجاب .. سرنا صوب طيران الامارات .. وباكيج ماليزيا مش حلو ابد عندهم .. ضووووو ع الفاضي . .. يعني بكيج الاتحاد اللي هو امسويه يقولي احلا وارخص .. واطول ,, المهم ظهرنا من طيران الامارات ع دناتا ….. ودناتا يا دناتا .. غيرتيلنا حياتنا … اتخيلي شو صار في دناتا .. سرنا اهناك .. وقالولنا اتريو فالانتظار ((رب ضارة نافعة .. شوفوا الانتظار شو فادنا)) .. وطال الانتظار .. يلسنا انسولف .. جان .. انسير نتصفح كتيباتهم اللي عندهم … ويلست عفريتة وريلها يقلبون المجلد .. ويشوفون الاماكن الحلوة .. عفريتة بطلت الفهرس .. وجان اتي عينها ع موووووووووووووووووريشيووووووووووووووووووووس …… اووووووووووووه .. موريشيوس
وع طوووول اجلب الصفحات ع موريشيوس …… والحبيب تخبل ع الجزيرة …… ومناظرها
ويلست اقوله عن موريشيوس ومعلوماتي عنها (( الدعاية .. يعني ^_^)).. انها ارض الرمال السبع .. وانها جزيرة فيها كل اشكال التضاريس تقريبا .. ع رغم صغرها .. صحرا .. ع غابة .. ع منطقة شاطئية .. ع جبال )) …. هو اللي خلاه يقتنع فيها واااااااايد .. ان بنكون مستقرين فيها .. يعني ما بنيلس نتنقل وااااااااااااااااايد
اتخيلوا وصل دورنا .. ما رمس الحرمة عن ماليزيا .. يلس يرمسها عن موريشيوس .. والحمد الله حجزنا فيها 8 أيام .. قالولنا بتكفيكم .. اتلفون فيها ..
المهم : حبايبي اللي سمعت اي شي عن موريشيوس .. او اي معلومات عنها .. اتعلمني
نحن حجزنا في الشرق وفي الغرب .. في فندق لي ماريديان 5 ايام .. وفي فندق لي تاسوك (ع ما اعتقد) يومين …
ابا اعرف شو المناطق الحلوة اللي تنزار .. وشو اللبس المناسب .. وشو اسواقهم الحلوة .. واهم شي الاماكن الرومنسية .. سو احسن شي اسويه اهناك انا وريلي .. وشو اللي لازم نتجنبه ..من سلبيات وغيره …. واي شي اتحسون بيفيدني.. شو اودي اغراض معاي .. والفولت مالهم شرا فولتنا ولا لأ .. افكر بالكاميرا انا . … علموني ….. لأن نحن اول ناس من العيلة يسيرون موريشيوس .. محد منا سارها قبل .. فلا تبخلون عنها ..
دمتم بووووووووووووووووود ….
أحبكم ……. في ………. الله
دعواتكم الحلوة
مثل ما قلت هذي كلها … جزيرةةة ……. دعواتكم لنا ..