شخباركم شمسويين
الموضوع واضح من العنوان يلا كل وحده تقول لنه قصتها
على فكرة شفت هالموضوع فمدونة ثاني وعيبني
انا ببدى اول شي طبعا انا انخطبت ثلاث مرات ومن نفس الشخص تخيلوا النظرة الشرعية الاولى توني ياحليلي بعدني ادرس فالجامعة وبتخرج ومابقى لي غير سنتين وهالريال كان بياخذني الثانية لان حرمته على ذمته بعد فشو سويت الحبيبة ماتعرف انه لازم تلبس عباية هع زين ان ابوي تلاحق علي وشافني هاهاها قالي وين داشة جيه بدون عباية ياحليلي كنت لابسة جلابية اتحرى جيه هع المهم هو شافني وانا ماشفته كنت مستحية ومرت السنة ومااستوى النصيب
ومرت سنه وسنتسن وجان نفس الريال يا وخطبيني للمرة الثانية بس هالمرة استوت مشاكل بينه وبين حرمته وطلقها وصار فري وجان يشوفني للمرة الثانية هع بس هالمرة عرفت شو اسوي لبست عباه وتمكيجت خفيف وكانت هالنظرة اونه على اساس نتفق على كل شي ع الملجة والعرس وشو شروطي ونفس الشي السالفة اتكنسلت
ومرت سنه وهالسنة خطبني للمرة الثالثة ولما رمسني ابوي انه يبي يشوفني للمرة الاخيرة ونتفق على كل شي جان يطيج قلبي تعقدت ياحليلي من كثر ماخطبني وتغير شكلي وقلت لابوي ان شاء الله قالي خلاص راح تتفقون على كل شي ورحت وتلبست وتكشخت بس حطيت جحال وجلوس وبلاشر كنت ع الطبيعة وشو ابوي سوى هع خلاني انا والريال بروحنا فالميلس مع اخوي الصغير اللي عمره ثمان سنوات اونه محرم هع وجان الريال ياخذ راحته ويلس حذالي بس الللي كان مفرقنا كرسي وكان يرمس انه يبيني وراح نسكن فالبيت مع اهله و ووووو وتم يسولف لي عن دراسته وتم يسألني عن الشغل وعن دراستي وجيه وانا ساكته ومنصدمة خايفة اقول موافقة ويتفركش الموضوع جان اسولف وياه عن الشغل ومايبت طاري العرس وجيه بس قلتله بفكر وبرد عليك وبصلي استخارة وبخبر ابوي جان يقول متى بتردين علي هع جان اقول بخبر ابوي وكان بكل فترة يطالعني وانا مستحية ومعرقة هههه حتى الكلينكس ذاب هع وزين ماطاحت شيلتي لاني كنت اعدلها ههههههه وجيه
وان شاء الله هالمرة ثابتة ثابتة وبملج وبيتحقق حلمي دووووووومي ادعي ربي عسب يتمم لي على خير وبس دعواتكن لي بنات – وتصدقون عندي احساس غريب دومي فرحانه ومتفائلة لان هالسنة صدق بيستوي فرح وحتى قمت ادور عن فساتين ملجة وادور عن حريم يسوون ميكب وتسريحات وووو حاسة ان الامور تتيسر – وحتى قمت اهتم بشكلي حتى ربيعتي فالدوام مستغربة ههههههه
دعواتكن لي بنات
تفضلن المايك ^^
طبعا انا خطيبي من العايله
وعندنا قانوووون مافيه شوفه شرعيه ههههههههههههههه
يبا يرسل امه خواته والا يشوف صورتي .. يتصرف ههههههههههههه
المهم انا اشوفه من الدرايش اللي يخليهن هههههههه
وتكون هالمره ثابته
بس صدق صدق سالفتج غريبه هههههههههه
وين الباقياات
وربي يرزق كل بنت يااارب بالزوج الصاالح ويوفقج يالغااليه ^_^
جبدج وتتحبطين وكل شي خخخخخخ
المهم ربي يووووووووفقج يارب ويتمم لج كللللللللللللللل شي على خييييييييييررررر
ههههههههه
ذكرتيني الله يسامحه ريلي
من أول مرة يا يشوفني ببيتنا قالي خشمج أكبر من ما تصورته هههههههه
اسميني زعلت وسرت غرفتي وقلت حق أهلي طلعوه من بيتنا ما أبغى أتزوج ههههههه
بس النصيب
( ترى خشمي مب كبير هااااا لا تفهموني غلط هههههه 
)
6212 اغاثة الصومال 20 درهم
6215 اغاثة الصومال 100 درهم
حَدَّثَنَا خَالِدُ بْنُ خِدَاشٍ الْمُهَلَّبِيُّ ، وَعُبَيْدُ اللَّهِ بْنُ عُمَرَ الْجَشْمِيُّ ، قَالَا :
حَدَّثَنَا حَمَّادُ بْنُ زَيْدٍ ، عَنْ مُحَمَّدِ بْنِ وَاسِعٍ ، ذَكَرَ رَجُلٌ ، عَنْ أَبِي صَالِحٍ ،
عَنْ أَبِي هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
مَنْ فَرَّجَ عَنْ مُسْلِمٍ كُرْبَةً مِنْ كُرَبِ الدُّنْيَا فَرَّجَ اللَّهُ عَنْهُ كُرْبَةً مِنْ كُرَبِ الْآخِرَةِ ،
وَمَنْ سَتَرَ أَخَاهُ الْمُسْلِمَ فِي الدُّنْيَا سَتَرَهُ اللَّهُ فِي الدُّنْيَا وَالْآخِرَةِ ،
وَاللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ .