شحالكم إن شاء الله بخير
الغاليات أبا مقترحاتكم في تصميم غرفة نوم وهالغرفه فيها صاله وحمام صغير شو رايكم
من ناحية الألوان شو تقترحون عليه و كيف أوزع الأثاث في غرفة النوم و الصاله و الحمام
في المرفقات قياس الغرفة
شو رايكم أبا أحط في الصاله "ميني بار" يعني مثل المطبخ الصغير وين أحطه و بخصوص الكراسي و التلفزيون شو رايكم شو المكان المناسب لهم
و في الحمام أبا أحط غساله صغيره بعد شو رايكم وين المكان المناسب لها
وإلي عندها أي فكره أو مقترح تقوله وإذا بعد عندكم صور فيها أفكار ياليت تحطونها في الموضوع
يالله كل وحده تشد حيلها و ترويني أبداعاتها في التصميم بنتظار تفاعلكم مع الموضوع
وشكراااااا مقدما للكل ^_^ وجزاكم الله خير
فديتج مساحات الغرفة حلوة وايد وسيعة و مرتبة عيبتني فعلا
عندي سؤال ؟
بالنسبة للحمام اكرمج الله وين التهوية هل فيه منفذ للتهوية ام لا ؟؟ لأني لم أراه فالمخطط ؟؟
بالنسبة للغرفة تقدرين تسوين لها ديكورات جبس برأس سرير مثلا على الجدار المقابل للحمام
الأصباغ : أفضل ورق جدران دارج هالفترة + ديكورات بالحجر الصناعي مثلا بالجدار المقابل
نوعا الاحظ انه ماشاء الله الغرفة كبيرة و كان بغمكانج تقسمينها بحيث انه تسوين غرفة نوم + غرفة اطفال
بالنسبة للميني بار بإمكانج تحطينه بالزاوية اللي خلف الحمام و اللي هي بقلب الصالة بحيث انها انسب مكان
الغسالة ماشاء الله الحمام كبير و كنت بنصحج تسوين شاور عوض عن البانيو لكن حصلته بالمخطط
المدخل خليه فاضي بحيث انه يكون خاص و ياليت لو تسوين قوس عند المدخل مباشرة عوض عن المساحات المفتوحة بهذه الطريقة
عند باب الحمام ممكن تسوين بارتيشن بحيث انه غرفة ملابس + حمام و يكون الحمام نوعا ما محجوبا عن الناظر
و يكون فيه نوع من الخصوصية و خاصة انه بعيد عن باب الغرفة و هذا طبعا خطأ كبير فالديكور ؟؟
اتمنى تكونين فهمتي قصدي حبيبتي …….
للرفع