هذا الكلام حقيقه بس قبل 15 سنه
وقصتي مع السمنه عجيبه
انا الي جبته ل نفسي ومحدش وزني
اول ما نضجت كل خواتي وامي الله يرحمها
لاحضوا اني امتلك مواصفات عارضات الازياء واحلى
طول فارع وخصر دقيق وسيقان ولا اجمل
خطبني ولد خالتي وكان طالب مثلي بس الشيطان تم ورايه
امشي في كل مكان العيون باتجاهي
اسير اعراس محد يخطب خواتي ما يخطبوني الا انا
الكل يباني عيال عمي ولد يرانا وووووو
المهم جاسني غرور ورديت ولد خالتي
قلت ليش اربط نفسي بعدني صغيره بلقى الافضل دام اني امتلك الافضل
خلصت الدراسه وانا عايبتني السالفه اكشخ وعايشه الدنيا واتدغدغ احاسيسي نضرات الاعجاب
جماعه انا ما امدح نفسي في ايامي لو كانت مسابقات ملكات الجمال لخذت التاج بامتياز
ما اتصدقون اول ما اتخرجت كان 7 خطاب في اسبوع واحد
وانا ارد هذا واتمصخر على هذا
المهم اتوفت امي وبدا اخوي يتحكم فيه وخواتي عرسن وحده ورا الثانيه اللي ارده اتوافق عليه اختي
واللي اضحك عليه اتوفق بوحده ثانيه
حاصرتني الهموم وقلت ما يطوف هالشهر الا انا متزوجه
وفعلا اول واحد وافقت عليه كتحدي ما كان سيئ بس ما كان الافضل بين كل اللي خطبوني
طبعا هو ولا يحلم بامتلاك وحده مثلي
بعده الغرور هاذيج اللحضه متاصل فيه
بس الحين لا غرور ولا هم يحزنون
حملت بالطفل الاول والثاني وجسمي يرجع مثل ما هو بالعكس استوى احلى واكتملت انوثتي
وكنت اشتغل
فالمدير معجب فيه والموظفين يبون رضاي
وانا ضميري مانبني يا جماعه انا متزوجه
جسمي ورشاقتي سبب كل البلاوي اللي انا فيها
البس عباه خش وعاديه بس جسمي يفرض نفسه
زوجي بدا يغاار ويسئ معاملتي
اطلع وياه في السوق
اسير بيت اهله اخوانه يتمون يبققون عينهم فيه
طلعني من الشغل ويلسني في البيت
حلفت الا امتن والا جسمي يخترب
ما ابا حد يطالعني
ما تتصورون جاستني حاله نفسيه
اكل كيسين سمون وانا اطالع التلفزيون
اشرب بيبس غرشتني وثلاث في اليوم
اتم راقده لين 12 الظهر
المهم يوم ورا يوم خلال سنه ونص زدت 15 كيلو ..وجاسني اكتئاب
على فكره سبب المتن الحاله النفسيه
تنتقمين من نفسج ومن الضروف بالاكل
عالجت 6 اشهور من الاكتئاب والحين احاول استعيد رشاقتي
وضعفت لين الحين 3 كيلوات ونص
حبيت انصحكم بعدم الغرور والمحافظه على صحه نفسيه جيده
بالتوفيق للجميع
يالله شدي حيلج ورانا رمضان وبتضعفين
بالتوووفيييييييييق .. اننندمجت فالقصــه 
اتمنى لــج السعااااااده
