من تجربتك الشخصية .. سؤال المومة و الطفل

انا عن نفسي ريلي ماعنده ثانويه…
وانا جامعيه بس عاااجي وماشي تفاوت ولا احس انه اقل مني .. ولو كان شي تفاوت بسيط مستحيل احسسه بهالشي..

انا من رأي الشخصي اكيد فيه تاثير،يعني مثلا لو الانسان او الشخص ما تعلم او اوكتفي بتعليم اقل ابتدائي او ثانوية مثلا،هنا الفرق يكون تفكيره محدود وفيه اشياء كثيرة يمكن يحرم الشخص الاخر منها،لانه فهالوقت هو كان يتعلم ويدرس وهو عايش عند اهله فتربى على عادات معينة وامور معينة،فلما يرتبط بالشخص الاخر تكون هناك قيود انه ما يريد هالشيء او لا تسوي جذه وهذا حرام وهذا عيب وهذا منقود من هالامور هذه،لكن لو كان الشخص مثقف اكثر ومتعلم فهو اكيد عايش الحياة وشاف تجارب الناس،ولو كانت عنده مثلا فكرة في راسه حول موضوع معين،ممكن هذه الفكرة تتغير من خلاله تثقيفة وتطور تعليمه،فلكل مرحلة من حياة الانسان وتعليمه خواص ودروس الواحد يتعلمها،بس هذا الشي مب فكل انسان طبعا،ممكن فيه ناس متفاهمه مع بعض وناس لا،واخر شيء كل شيء نصيب فهالدنيا،اذا الواحد او الواحدة متقدم لها شخص واستخار ربه فهذا الشخص وربه اخار له الخير،فمعناه ان ربه بسط ومهد له الطريق لهذه الحياة بغض النظر عن فروقات التعليم.

أنا زوجي عنده شهادة ثانويه والحمدلله أنا عندي شهاديه جامعيه وبالعكس هو امشجعني آخذ الماستر ففرنسا يعني يالغاليه أغلبية شبابنا ياخذون الشهاده من المدرسه وابويهم عالكليه العسكريه أو الجويه أو البحريه ترا حتى هاذول يتعلمون فكلياتهم…أنا ما أحس أن الفارق التعليمي مسوي مشاكل امبينا …

انا ريلي ما عنده ثانويه وانا جامعيه والحمد لله احس انه واااايد متفاهم ومثقف صح هو ما كمل دراسته بس تفوق في شغله
وما في اي فرق امبينا بالعكس احس ساعات يعرف اشياء اكثر عني

وصدقيني مب الدراسه الي تحدد مستوى الواحد اهم شئ انه يكون واثق من عمره واخلاقه ودينه

بالنسبه لي انا جامعيه وريلي ثانويه عامه

بس مثقف لاخر درجه ومخه نظيييييف وتصدقين احسن مني بكل شي بالثقافه العامه…بالكمبيوتر…وباشياء كثيره كانه اهو الجامعي مب انااااا

عادي حبوبه مب لازم يكون ريلج جامعي او شهادته اكبر عن شهادتج…المهم يكون مخه كبير وقلبه اكبر

أنا عن نفسي ادرس برع البلاد واحس اني ابغي آخذ ريال عنده شهادة جامعية .