السلام عليكم ورحمة الله وبركاتة
شحالكم خواتي ..
عساكم بخير
………………………
حلوه وايد سوالف البنات
ودايما نصيبهم نصيب الاسد في الملابس والكسسوارات وغيره
انا مثلي مثل اي ام
تعشق عيالها وتحبهم حب مش طبيعي ( :
وايد احب اسويلهم اشياء من اديي وخاصة بناتي
واحبهم يشاركوني جتى لو كان شغلهم غلط او مش مرتب
مجرد محاوله منهم تكون بنسبالي انجاز
والشي اللي يسوونه احيانا لي من اكسسوارات احب البسه عشان اعطيهم ثقة بنفسهم وبشغلهم
وبطاقاتهم احتفظ فيها واعلقها على ثلاجة المطبخ وعلى باب غرفة الالعاب
رسوماتهم ابروزها
اوقع لهم درس بدرس عشان يعرفون اني متابعة كل شي معاهم
احيانا الفجر لما انش قبلهم وقبل ما اوعيهم لصلاة
اكتبلهم بطاقات وكل واحد منهم يحب شي معين
يعني مثلا بنتي الصغيرة تحب البالونات وايد
اكتبلها بطاقة زعنطوطه بنفس مستوى عقليتها واحطلها قلب لانها تحب ترسمه واكتبلها ماما واتبع طريقتها في الكتابة والتعبير وحطلها بالونة واخشها في الدرس اللي بياخذونه اول حصه
ولما ترجع البيت تكون مستانسه لانها تفاجأت بوجودي وسط اوراقها لو بشي بسيط بس يترك اثر كبير
(( جربوها يا امهات وحتى انتوا يا بنات اللي عندكم خوات وخوان صغار)) بتعرفون قيمة كلامي
انا وبناتي وايد وايد وايد نحب الاكسسوارات والملابس والمناكير
مثلنا مثل كل انثى بس المتعة لما نتشارك
يعني لما اسشور شعري ازقرهن وحده تمسك شعري والثانية تعابل بقصتها
نصبغ اضافرنا مع بعض لو حتى لعب
اعطيهم يوم وأطلع علبة من المكياج انا مخلتنها بس للعب
واقوللهم بطريقة الجدية (( يالله ابا وحده منكم تحطلي مكياج يمكن اطلع او حد ايينا)) ويترابعن يعدلوني ويكشخوني
حلوه وايد سوالف البنات
وبهاطريقة تكسبين بنتج صديقة
والولد طبعا له نصيب بس بخبركم عنه في موضوع ثاني
…………………………….
طولت عليكم ادري بس لما الموضوع يخص اليهال ما اقدر امنع نفسي عن مشاعري
والاقي الكلام يظهر
……………………………
حبيت اسوي لبناتي كلبسات لشعر
وخاصة ان عندهم بجامات وفساتين صيفية تليق وايد على اللي انا سويتة
وعشان اتسوين هالكلبسات ما بتحتاجين الا ل:
كلبسات وبتحصلينها في محل ادوات الخياطة
+
فصم او عقم او ازرار
+
قصاصات قماش
+
صمغ حراري
وبس
والطريقة :
لصقي القماش على الكلبس / وحطي الزرار بطريقة واللون اللي تفضلينة
وتتهنى فيه بنتج امين
اشكر مروركم
ولا تنسوني انا وبيتي من خالص دعواكم في ظهر الغيب
وانتظروني بعوده مع محاظراتي من جديد ان شالله
فمان الله
^.^
ويهدي لج عيالج يارب ..
وايد تعيبني مواضيعج (^_^) ..
جزاك الله خير على الطريقة..
كا عليه اسم القماش… و كيف شكلها من نشتري…
تسلم الايادي
تسلم الايادي