منو ينصفني ..ابغي الطلاق رعاية الاطفال

تعبت والله تعبت

اكره ريلي وابغي اطلق …ابغي حريتي تعبت ومحد حاس فيني

اول امس طلبت من ريلي اسحب من بطاقتي …<<طبعا انا غلطت اني عطيته رقمي السري <<نصيحة يا حريييم لا تعطون رياييلكم هالثقة

المهم سحب وياني …قالي باقي من راتبج 4 الالاف

وين وديتي راتبج ..؟<طبعا انا مسويه حساب توفير كل شهر ينقص من راتبي 10 الالاف

بس ما خبرته لاني ما اثق فيه …جذبت عليه قلت طلعت 4 اشخاص للعمره على حسابي

قالي كيف تصرفين فلوسج بدون ما تخبريني .؟ قلت كيفي فلوسي لو اشبها ضو واتدفا بها كيفي حره

المهم…انا عايشه في بيت اهله …واهله قاموا يلمحون له ادفع مصاريف مع ان ما طلبوا هالشي الا منه هو وباقي اخوانه المعرسين ما طلبو منهم بحكم انهن ربات منزل وانا اللي موظفة

في المناقشه اللي دارت بيني وبين ريلي …قالي دفعي لخدامات امي او لدريولها ويبي شي للبيت

قلت والله مب بيتي ايب فيه …قام وضربني قال غصبا عنج تبين …و بيتج وانا وولدج اولى براتبج

قلت شرعا // انا حرررررررررررررره ومب بكيفيك تامرني

قالي ربي بيسالني انا عنج لاني انا ولي امرج

قلت له : لو ادري انك ما خذني عشان راتبي كان موافقت عليك انت طمعان فيني

قال : فنشي من شغلج داام نحن مب مستفيدين منه

قلت والله ما افنش …وانا كاتبه بعقد زواجي اني ابقى بشغلي وهذا شرطي وانت قبلت به

المهم ..امس قبل لا اروح الدوام ما قام يوصلني …قالي خل فلوسج اللي تعطينها الناس وتتصدقين بها توصلج

طلعت برى ولحقني ريلي قالي ردي الغرفة ….وبالصدفه شافني عمي قالي قومي بوصلج انا رايح صوب الوزارات عندي شغله

قال ريلي …ما يحتااي وتم عمي يحلف بعدين حس عمي ان في شي

المهم ..

عقب الدوام دقيت قلت لاختي تخطف علي …ورحنا جليز نتغدا وهو يدق وانا طااف

لان قبل لا اطلع قلت له انا مب راده لك وبروح بيت ابوي

المهم …هو احتشر وراح بيت اختي وقال لها ظهري مرتي انتي خاشتها عندج واتصل لاخوي اختك وين راحت

عااد اختي من النوع اللي يحب يكبر المواضيع هي واخوي

المهم دقت اختي على الدريول وقالت له وقف مكانك انا يايه …نزلتني من سياره اهلي وقالت ركبي سيارتي

وشوي الا مشرف سي سيد …ويقولي نزلي وزخ يدي قو …قلت ما ابغيك وتم يمطني

قالت اختي ليش وافقتي عليه …قلتلها غلطة زماان

هو عاد زعل ركب سيارته وراح …وياني اخوي قال اذا تطلقتي بتشتغلين خدامه عندنا وبتفنشين من دوامج …ريلج طيب انتي الخبيثه ….والله يا خواتي ريلي يرسم لاهلي ويه الطيبه ومن وراهم شي ثاني

انا يتيمة وامي شخصيتها ضعيفه …واخوي صغير عمره 19 سنه بس مسوي عمره قوي
وانا من اسره كثير محافظة …اكره ريلي وانا حامل منه ابغي اطلق لانه مش الشخص المناسب لي

شو اسوي ؟؟ وين اودي بعمري ؟؟

ما اطييييييييييييييييييقه خلاص وصلت طريق مسدود ويااه ….قفلت اخلاقي معه

اليوم اقوله قوم وصلني لدوامي يقولي خل دريول امج اللي تدفعين راتبه ايج انا تعبت …وهو امه لو يته وهو راقد وقالت له قووم يب اختك يفز لها