منو يبرد قهري؟؟؟؟؟دخيلكن تردوا لتربية الطفل

شحالكن بنات؟؟؟ ان شاء الرحمن تتمسن بخير…
انا اليوم طالبتكن بمساعده لاعز صديقاتي وان شاء الله احصل منكن الرد الي يرشدها للطريق الصحيح… السالفه وما فيها ان رفيجتي من 2024 متزوجه وعندها بنت وولد وماخذه واحد يكون ولد جيرانهم المهم هو كان يحبها واخته هي الي كانت تخبرها ((لانها صديقتها المقربه )) بس هي كانت ملتزمه وما سوت للموضوع سالفه المهم عقب تقدم لها ووافقت عليه الحين بتقولون وين المشكله ؟؟؟؟؟؟
المشكله ان كانوا عايشين بشقه قبل لا يرد بيت اهله ويعيش معاهم هناك (( طبعا قبل لا تحمل في اول طفل)) طول فترة الحمل مااااا شافته ويوم كانت ترد الشقه عسب تاخذ اغراض هي وخواته كانوا يحصلون باللادراج (( واقي ذكري)) بس هي يوم واجهة اعتذر لها طبعا هذا من 3 سنوات ووعدها ما يكررها ولين اليوم جاكتنه 7 مرات يكلم بنات ويوعدهن بالزواج (( طبعا لانها تشل ارقامهن وتنصحهن ان يبتعدن عنه لانه ريال معرس وابو عيال)) واليوم جكته مع الثامنه وهي ما تبي تطلب الطلاق عشان عيالها بعدهم صغار وحرام تبعدهم عن ابوهم جربت معاه الضرايب والحشره واهله كلهم يعرفون هي تقول انه مريض نفسيا!!!!!! الحين انا خاطري اعرف واحد من ه النوعيه شو الحل الافضل معاه؟؟؟؟؟ مع العلم انه هي عمرها 25سنه وعلى قدر كبيييييييير من الجمال والكل يحسدها على جمالها ….و للعلم انه ابدا ما يهتم فيها ولا يسويلها سالفه حتى لو ما ردت البيت يوم كامل ما يتصل ولا يحاتيها ويوم تقله بطلب الطلاق يقولها برايج …

اعرف اني طولت عليكم…
بس والله اني حبيت اشرح لكم الموضوع عشان تفهموه وتقدرون تساعدوني؟؟؟ اتمنى تردون علي رد يبرد القهر الي فيها

ودمتم بود ومحبه

اختكم الحزينه55