شحالكم بناات
حبيت استفسر عن كم شي بخصوص العنوان الي هو منو معرسة فيكم وتدرس نفس الوقت
نبا نستفاد ونعرف شو رايكم فيه
اول شي تشجعون انه البنت تتزوج اذا كانت مخطوبة وباقي لها كم سنه ع الجامعه عشان تخلص يعني مطولة شوي تشجعونها تتزوج وهي تدرس ولا لأ ..؟
دراسة مب سهله بعد
اذا كنتي معرسة وتدرسين شو تحسين هل مضغوطه في دراستج او هل قصرتي بحق زوجك
ولا قدرتي توفقين بين الاثنين ؟
وهل زوجك ساعدك بخصوص هالموضوع ؟
بخصوص الحمل ^^ اذا صرتي حامل صعب ولا عادي بيكون عليج تدرسين ؟
ولا تفضلين تأجيل الحمل الى بعد التخرج ؟
بناات نبا تجارب عشان استفاد وغيري يستفاد وبليز لا تردون ع سؤال وتطنشون سؤال
يعني ردوا عليهم كلهم ماعليكم امر فديتكم انااا
ربي يوفقكم مقدما ^^
آمممَ ..
آلصصرآحه آنآ آدرس سنه ثآنيه تخصص
و آعرف كذآ وحده معرسه و بخبرج آللي شفته =)
آمممَ .. ربيعتي وقفت درآستهآ سنه لآنهآ عرست ..
بس عقب ردت و كملت و يوم يت كآنت حآمل ف الشهر الـ 5 تقريبآ
بس مآشآء الله عليهآ كملت آلسنه آلدرآسية و مآشآء الله شآطره و شآده حيلهآ
بس وقتهآ كآن وآيد منظم , ,
يعني آتشوفين اغلب المعرسآت ف البريكآت مآ يهيتن ,
لآ .. يخلصن آلشغل و آلبروجكتآت
و آلوقت لازم يكون منظم ,, =)
بس آعرف بنآت ,
وقفن الدرآسه ..
قولي ليش هع
لآن في منهم اللي مآ تستحمل خاصه ف اول الشهور
يعني تعبآنات بشكل و غيآبهم يزيد و يتعبون فيكملون عقب الربى !
آحس يعتمد بشكل كبير على قدرة تحمل البنت ..
و بعد , رغبتهآ =)
بس آنصحج كملي درآستج ,‘
و ربي يوفقج
نبا تجارب بعد
خلصت السنتين وانا معرسه وهالكورس تخرجت وبالعكس مستواي زاد بعد الزواج مع ان تخصصي يباله هندسه
ولا تحاتين بتتيسر لج الامور وبتعرفين تنظيمين وقتج وريلج اصلا بيساعدج وبيراعيج وااايد لانه هو يعرف ماخذ وحده تدرس يعني مب 24 ساعه فاضيه0( بس هذا يعتمد حسب نوع ريلج متفهم ولا لا)
وانا كان شرطي يوم عرست اني احمل بعد الدراسه اللا اذا الله كتب لي احمل لان دراستي لازم لابتوب ووسايل ومواقع يعني متعبه دراستي
ربي يوفقج اختي 