منو قالولها راس الجنين فوق وراحت عند د زينب تحيسه لتحت!! لحياة صحية

أنا فأخر الثامن وقالتلي الدكتوره احتمال كبير ماينزل لأن الماي عند قليل وصعب يلف الحين فنصحتني أروح للدكتوره زينب.. فإذا ما نزل لازم عمليه!! وأنا متخوفه من لثنين من الحيس والعمليه!!
تجاربكم خواتي بسرعه..

انا يستوي معاي في كل حمل

كنت اتعالج مع الدكتورة اميرة في الزهرا
كانت تقول لي احبي . . . و كنت احبي و عادي ينزل راس الياهل

مب شرط في شهر 8 يكون نازل
احيانا الياهل ينزل في اخر شهر 9
و في مرة سرت عند زيينب و نزلت راسه
مع اني ماحسيت انها سوت شي
بس مسحتين و قالت خلاص

بس تعرفين ان بنت خالي
يابت وحدة من بناتها من ريلها . . . بس قالت انها هلكت و تعبت وايد

مشكوووورة الغاليه طمنتيني مابسيرلها بيلس احبي وأسجد مثل ما قالتلي الدكتوره بعد!!وأول ماأدش التاسع بسير أطمن اذا نزل!!

انا نفس الشى

>< وااااااااااااااااي..
اخطر طريقه هااي..تدرين فمستشفى الملكي وحده مسكينه سارت بتربي وهي المفروض يولدونها قيصري لان راس البيبي فوق والغبيه الدكتوره سحبت الولد من ريله وقصت رااسه وايداته >< آآآآآآآآآآآآآآآآخ والله غباااء فيهم هالدكاتره..حااسبوو مب كل دكتور شااطر ومستشفياتنا صايره لووعه..

الله يسهل عليج ياارب ويحفظلج البيبي..

اول شي السلام عليكم ورحمة الله و بركاته :
اختي انا توني مخلصة الاربعين و كان ولدي معترض في بطني وعطوني موعد للعملية غير سرت للدكتورة زينب و الله ما قصرت معايه مسحت بطني و ردته و عطتني موعد ارد صوبها . و لقت انه بعد معترض . يمكن سرت صوبها فوق 6 مرات ليين ما اعتدل .و الحمد لله ربيت 12/12/2009 بدون ما يسوولي عملية .
وفي بنتي العودة نفس الشي استوالي محد نفعني غير الله و الدكتورة زينب .
و السموحة .

ربي يسهل عليج الولاده