شحالكم بنات ..
أول شي باركوا لي ملجت الاسبوع الي طاف
و الحمدلله كل شي كان تمام و حلو ومرتب ..
ثاني شي بنات طلبتكم .. الي عندها جدول جاهز عشان زهبة العروس ..
ياريت تحطه لي ولا اطرشه لي ..
احيد قبل شايفة موضوع جيه بس ما لقيته..
الي عندها جدول بالاغراض الي لازم تشتريها وكم لا تبخل عليه ..
اترياكم 
اتريا ردودكم ..
جربي ادورين في البحث اذا كنتي تذكرين عنوان الموضوع…
اتريا ردودكم ..
انا بخبرج عن زهبتي شو خذت وسويت
اولا: المخاوير سويتلي ٥ مخاوير+ جلايبات مال البيت ٨ + شيل الصلاة
( الملابس انصحج تروحين : ستي دبي – مول الامارات – صحارى – وافي – ميجامول )
– البدل (تنانير وقمصان ) : ٦ بدل من مونتانيا فصحارى خبال تنانير حرير روعه روعه ويا بدياتهم + ٤ تنانير قصيره وقمصانهم من اوريجيم فستي عيمان وشوي من المصانع
– ٦ جينزات من مانجو وزارا وفيرومودا – ٢ برمودا سبلاش – بنطلون ابيض + اسود
– سويتلي فساتين بسييييطه من الحرير اشتريتهن ب ٢٤٠ تقريبا من سوق السور وحلواات منقشات وروووعه وسويتلي حركه تحت الصدر وعلى الايد يعني حوالي ٧ فساتين ب ٢٠٠٠خيطتهم عند خياط فناااااااان يضبط الموديلات حتي لو مودتله صوره بيسويلج نفسها + ربطات للشعر والرقبه واليد وانا والله كلهم اتخبلو ع فساتيني والخياط فالشارجه اسمه زكيه للخياطه لوتعرفين قصر الشوكولا هو فنفس السايد بس اول شي قبل هالمحل..
– مغربيه وحده سويت مع عبايه بنفس الدزاين واللون عشان يوم ازورهم وسويته فمحل اسمه كازابلانكا فعيمان سوق الذهب الدور الثاني ع ٨٠٠ درهم مع انه متروس شغل بس والله فناان شغلهم..
– نعوول خذيلج مسطحات ٢ + كعوب ٦ على حسب الوان لبسج ولاتنسين الابيض والا خذيهم من VINCCI اللي فميجامول الشارجه رخاااص وشيك قوم بو مخمل وشرايط وحركات ومابيكلفون اكثر عن اميه او اميه وشي وفي ع ٥٠ و ٦٠ و٩٠ سود+ بوت للسفر ابيض واسود انا خذت البوت من ناين وست اللي فمصانع عيمان مسوين تنزيلات البوت على ١٠٩ و ١٣٠ روووعه لايفوتج
– قمصان النوم ١٥ قميص انا خذت من نعومي، وسكند سكين فميجامول وكل ماتشترين يعطونج قسيمه ب٢٠٠ هديه + اذا خذتي شي ولبستيه مره ومرتين وماتبينه ايبدلولج اياه …وعندهم لبس قصير مال دلع + دلاغات المخرمه + كريمات مساج واشيا فنااانه
وقميص اول ليله ماخذته للحينه بس مدحولي الوق الجديم وبشوف
– ملابس داخليه ٢٠ طقم من لاسنزا + نعومي + h&m
– بجامات النووم من oysho فمول الامارات رخاااااص وروووعه واييج مع الشبشب
– اكسسوارات منوعه من اي مكان يعجبج DKNY, ACCESSORIES , SPLASH
– عبايات انا رحت الملابلازا رخاااص ع ٨٠٠ ، ٩٠٠ اغلى شي يوصل ١٠٠٠ وحلو
– خذيلج بعد كم زنوبه حق الحمااام بتحصلين ف برنتانو فستي عيمان مسوين تنزيلات
– المكياج : من باريس جاليري اللي فالسوق المركزي لان تحصلين هدايا وفوق ها ما يلزقون فيج:
اساس من ديور
مثبت ميكب من شيسيدو
اي شادو من نوبا ومكياجي
علبة شدو للاستعمال اليومي من مكياجي
طقم صابون ولوشن ومعطر الجسم من بودي شوب
كحل اي لاينر مسكرا من لانكوم
ارواج جلوسات اقلام تحديد من لانكوم واستي لودر وجيرلان
بودره من جيرلان
بلاشر من جيرلان وانصحج بهالماركه لان ريحت الميكب حلوه ومعطر يعني اي حد بيبوسج بيشم ريحته الحلوه
مرطب من لانكوم
صبغ اظافر
وفوق ها كله انا حصلت شنطتين هديه من جيرلان ولانكوم واستي لودر وكل وحده فيها روج مرطبات عطور كحل مسكره..
– فرش الميكب من مكياجي ب ٢٠٠ درهم
الذهب:
طقمين لان بتيج هدايا + كم خاتم وسلاسل + ساعه سوده وذهبيه وبيضه
– العطورات والدخون:
دهن عود من اجمل،
بالنسبه للعطورات خذي من اي ماركه تحبينها ولاتنسين الطقم كامل مع اللوشن تثبت الريحه اكثر + معطر الشعر << اما الدخون والعود فأنا انصحج تسوينه عند شمسه المهيري سوتلي بصراحه روووعه الريحه ب ١٦٥٠ وكان فيه ٤ انواع دخون + عود + مخلط المها + مخمريه + ٢ عطر فراش وهذا رقمها اذا تبين اتسوينه وتيبه لج لين البيت (———–) رقمها عالخاص
– شنطه للميكب والمجوهرات ( من السوق الصيني )
اغراض الحمام والاستعمال اليومي :
اعواد القطن
الشامبو
البلسم
سكرب للجسم والويه
الصابون
فرشاة الاسنان
ليفه السبوح
المعجون
مضمضه للفم
مقص الاضافر
سبراي
موس للشعر
سشوار
مكينة حلاقه + موس
رغوه للبانيو
كريمات مرطبه لجسم والرجل
فحم + ولاعه
طقم صينية المدخن والعود والعطر
مشط للشعر
الصابون المغربي
سويلج شنطة اسعافات : فيها بندول لزق شاشا بروفين مقص احسن والله
لاتنسين تاخذين شنط للسفر و الزهبه انا طلبتهم من وحده فالمنتدى …
والسموووووحه اذا نسيت شي