بنات منو سوت عمليه النتراليزك؟ كيف هس العمليه يعني يسون قطع في قرنيه العين؟
ثانيا عل تعور العمليه؟ و كيف صار مستوي النظر بعد العمليه؟
وين سويتو العمليه؟ و كم كلفت؟
شكرا
انا عن نفسي سويت ليزك
مادري عاد هو انترا ولا ليزك وبس
الممهم
سويتها في زايد العسكري ف بوظبي
وماكلفتني شي لاني كنت مسويتنها على حساب اختي اللي تشتغل في الجيش
لان يحق لها تعالج حد من اهلها .. والزياره تكون بس مره وحده .
الدكتور اللي سوالي اياها باكستاني بس الحين اعتزل الطب مادري ليش . .
.
لا تعور ولا هم يحزنون
يقطع القرنيه طبعا بمشرط بس لايطلع لا دم ولا غيره الحمد الله
يعني يحركها بطريقه مادري كيف لاني ماشفت بس حسيت
ويحرقها اخر شي وبتشمين ريحه دخان بسيط طبعا لانه ليزر . .
عيونج تكون مسكره بالقطن الين ثاني يوم . . وتمين مداومه على القطرات
.
الحمد الله لك يارب العالمين صار لي يمكن على العمليه ان ماخاب ظني 7 سنين او 8
ونظري الحمد الله طيب . .
.
وعلى فكره مش اي حد يقدر يسويها . لازم يقيسون مدى متانه القرنيه
لو كانت متينه وايد اظني مايرومون يسوونها , او العكس
اختي العوده المستشار الطبي مال النور قال لها مايستوي تسوينها
راحت عاندت وسوتها وتعبت سنه كامله .
.
الله يوفقج
انا سويت عملية "الايبي ليزك" بصراحة في اثناء العملية موول ما حسيت بأي شي لا نغزات ولا شي
اللهم هي العملية ,, طبعا في البداية يحطون لج قطرات عسب تتخدر العين وبتحسين عيونج ثجيلة استوت وعقب يحط لج شرات الحلقة على عيونج بس ما بتحسين بشي طوول
ويبدا يشتغل ما اعرف شو سوا بالضبط وبس هيك
بس عقب العملية بربع الساعة بتحسين عمرج مدوخة اشوي عشان جيه لازم حد يكون وياج يساعدج وبث
انا سويتها في ابوظبي في "المركز الاسباني الملكي" وما كلفني شي كله ع بطاقة الضمان لانه عيوني رايحة فيها "الحمد لله والشكر"
فلازم تسوين فحص اول عشان يشوفون درجة النظر كم عندج
واي استفسار حاضرين للطيبين
ربي يوفقج اختي 