منو سافرت للجبل الاخظر في عمان ؟ في الامارات

السلام عليكم
ناويه اسير ان شاء الله للجبل الاخضر في عمان طبعا بالبر
بس ما ادل الدرب
ياريت اللي سايره هناك تخبرنا اهم شي عن الدرب
من وين نطلع احسن من بوظبي ولا العين
واللي اتعرف ادليني بالتفصيل يكون احسن

واي معلومات عن الجبل الاخضر

اترياكن خواتي

انا العام سرتله .. ما احيد كم ساعه .. وظهرنا من بوظبي .. ووو عقب خطفنا صوب العين .. وعقب <<~ والله ما اذكر عدل خخ بس خطفنا صوب العين ..

المهم عن الاجواء .. رحنالها شهر 9 .. كانت درجة الحراره اتوصل 23 ولا 24 .. فاكيد الحينه ابرد ..
وكان عندهم موسم الجوز والرمان .. كل حبة رمان على 20 درهم .. بس حباتهم كبااااااااااااااار وعسل ..
سكنا في فندق الجبل الاخضر .. بس كان وصخ الله لا ايوريج .. الحمدلله كنا يايبين لحافاتنا .. كانوا ايسوون فلل يديده سمعنا انه بيكون للايجار عقب !!
امممم .. مب شي اتمون فيها اكثر عن 3 ايام ..
كان فيها شوية خضاااار .. وبرك ماي <~ كان نازل عليهم مطر ..
بس انا يوم سمعت ان اسمه الجبل الاخضر اتوقعت كله خضار في خضار .. بس ع قولة اخويه الصغير .. هذا الجبل الاغبر مب الاخضر خخ
بس ما عليج حلوه كتغيير ..

ماعرف لاكن اكيد الخوات ما بيقصرون

اختي معقووووله ما اتعرفين تكتبين اخضر!!!!!
ارحموا لغتنا ياناس

اسمحي لي اختي
ما انتبهت كنت اكتب من التلفون وولدي الصغير معاي في السياره

رحلة سعيده