منو سافرت قطر هالسنة 2024 احتياجات خاصة

مرحبا و مبارك عليكم العيد مقدما
كنت ادور عن تقارير عن قطر بس ما لقيت
بسافر ويا ريلي عقب اسبوع
وابغي استفسر عن المولات و الاسواق خصوصا محلات العطور و الدخون
و محلات العبي

اتمنى ما تبخلون علي

حتى انا شراتج متوهقة ماحصلت تقارير عنها !
وماعرفت وين بسكن ابي فندق يكون ملاصق لمول شرات فنادقنا
وبالنسبة للمولات شي عندهم ستي سنتر وفيلاجيو بس ماعرف اذا مفتوح من عقب الحريجة؟!
اما عن العطور والدخون اعتقد بتحصلين في سوق واقف

ياليت اذا حد زارها هالسنة يفيدنا ؟

ـعن العبي احيد شي مركز نفس بوهيل تقريبا قريب من سوق واقف .. اسالو التكاسي اكيد بيعرفه .المركز شكله جديم
ـ وعن المولات شي مكان يديد اسمه اللؤلؤة اظني مفتوح نفس ال جي بي ار حلوو عالمغرب لانه مفتوح و مصكر في نفس الوقت و كله ماركات و مطاعم عالمارينا
ـ شي كتارا بعد بس ها مطاعم بس و مفتوح و جريب من الؤلؤة و هناك كله فنادق يديده اقصد جريب من هالاماكن واذا تبون شي بعد قولوا

العبي في محلات في سوق فالح فيهم عبي سوق فالح عند سوق واقف

وبعد في شارع المنتزه التجاري في محلات عبي وشارع العزيزية

العطور يتحصلين في عطورات الجزيرة في فرع في اللولوه وفي محلات عطور ودخول في سوق واقف

ممكن تسكنون في فنادق قريبه من الستي سنتر مثل شقق سمر

ماعندي اي فكره على قطر موووووووووفقه

انا رحت اخر 6
سكنت في هوليدي فيلا نظيف وسعره حلو
[IMG]https://i2.bookcdn.com/data/Photos/OriginalPhoto/105/10560/10560512/Holiday-Villa-Hotel-And-Residence-photos-Room-Pri****Deluxe-Double-Room.JPEG[/IMG]

هاي الغرفه كان سعر 800 وشي يومن شامل الافطار
اتسقريت فيه لان سعر مناسب واساسا قطر صغيره يعني اي فندق اوك

فيلاجيو فتحوه من كمن يوم سوق واقف حلو بس حرررر
وماينفع مول مع اطفال وبروحج ستكشفيت مايبالها استكشاف