انا ودي احتفظ بالحبل السري للبيبي بس نسيت السالفه و توني متذكره ان شاء الله يكون عندي وقت الحق اسجل في البنك .. بس في نفس الوقت متردده لاني ما اعرف حد جرب
يا ريت الي جربت تخبرنا .. متى اتصلت فيهم ؟ .. و متى يوها ؟ .. و منو الي جمع العينه و طرشها و متى يو خذوها؟ .. و كم كلفت العمليه؟ .. يعني اي معلومه
انا دخلت موقعهم .. https://www.cryo-save.com/uae بس غير يوم تاخذين المعلومه من حد مجرب
عندي موعد يوم الاثنين مع دكتورتي و بسألها عن نظام المستشفى في التعامل مع ها الموضوع .. يا رب ما اربي قبل يوم الاثنين .. يا رب اربي على الموعد .. قولو آمين
بلييييييييييييز لا تبخلون بالمعلومه
انا بعد ودي اعرف اكثر عن هالموضوع ماادري بس مره قريت ف المنتدى وف هالقسم ان في وحده احتفظت بالدم بس نسيت كيف كانت الطريقه اظني تدفعين بيزات وجي
الله يسهل عليج ولادتج الغاليه
شوفو قالت لي ..لازم اتروحين عندهم واتسجلين في الورقه اللي بيعطونج ..وبتشترين من عندهم الأدوات بألف درهم..وتحتفظين بالأدوات لييين ما تربين ..ويوم الولاده تعطين الدكتوره اللي بتولدج وهي اللي بتسحب لج الدم ( في أي مستشفى كنتي..سواءا الوصل والا غيره)
ويعطونج بعد رقم الدريول.. بعد ما يسحبون عنج الدم تتصلين فيه وهو اللي بياخذ عنج الأدوات وبيوديها المستشفى(طبعا هذا إذا ربيتي في الأيام العاديه)..
وإذا ربيتي في أيام الجمعه والسبت..راح يعطونج رقم شخص (بس لازم أحد من أهلج يودي له الدم ..ريلج أو أي احد ……..)..
المهم..بعد ما يوصل لهم الدم..بيودونه المختبر ..ويفحصون العينه..إذا طلع كل شي أوكيه …وبيعمر مده طوييله ..بيتصلون فيج ويقولون لج نجحت التحاليل..واتروحين لهم واتوقعين عالعقد وتدفعين 8000 درهم
وأي استفسار أنا حاضره 
المشاركة الأصلية كتبت بواسطة أم أروى 
شوفو قالت لي ..لازم اتروحين عندهم واتسجلين في الورقه اللي بيعطونج ..وبتشترين من عندهم الأدوات بألف درهم..وتحتفظين بالأدوات لييين ما تربين ..ويوم الولاده تعطين الدكتوره اللي بتولدج وهي اللي بتسحب لج الدم ( في أي مستشفى كنتي..سواءا الوصل والا غيره)
ويعطونج بعد رقم الدريول.. بعد ما يسحبون عنج الدم تتصلين فيه وهو اللي بياخذ عنج الأدوات وبيوديها المستشفى(طبعا هذا إذا ربيتي في الأيام العاديه)..
وإذا ربيتي في أيام الجمعه والسبت..راح يعطونج رقم شخص (بس لازم أحد من أهلج يودي له الدم ..ريلج أو أي احد ……..)..
المهم..بعد ما يوصل لهم الدم..بيودونه المختبر ..ويفحصون العينه..إذا طلع كل شي أوكيه …وبيعمر مده طوييله ..بيتصلون فيج ويقولون لج نجحت التحاليل..واتروحين لهم واتوقعين عالعقد وتدفعين 8000 درهم
وأي استفسار أنا حاضره
يزاج الله خير ام اروى
انا قريت نفس الكلام في الموقع مال كرايو سيف .. هل هو نفس المكان الي تتكلمين عنه؟ .. لان السعر يفرق .. كرايو سيف لازم تدفعين اول شي 3000 و عقب 10000
الي اعرفه ان كل بنوك الحبل السري في دبي .. انزين اذا نشب الدريول في الزحمه ما يأثر على العينه؟
المشاركة الأصلية كتبت بواسطة ام شقاري انا قريت نفس الكلام في الموقع مال كرايو سيف .. هل هو نفس المكان الي تتكلمين عنه؟ .. لان السعر يفرق .. كرايو سيف لازم تدفعين اول شي 3000 و عقب 10000
الي اعرفه ان كل بنوك الحبل السري في دبي .. انزين اذا نشب الدريول في الزحمه ما يأثر على العينه؟
مشكوووره غناتي..
لا لا أنا أقصد مستشفى الوصل نفسه وياخذون عنج 9000 درهم..حتى قالت لي إن في مستشفيات ثانيه يحتفظون بالدم..بس من دون ما يشوفون العينه إذا بتعمر والا لا..يعني في عينات ماتعمر اكثر عن خمس اسنين ..او عشر اسنين …فعادي عندها المستشفيات هذي انهم يحتفظون لج بالدم
أما ابمستشفى الوصل.. يسوون للعينات هذي تحاليل ويشوفون إذا عمرت أكثر عن 20 او 25 سنه بيحتفظون لج فيه وإذا أقل عن ما أدري بالضبط كم سنه ماراح يحتفظون بالدم(يعني يتعاملون معاج بالصدق)..(وعالفكره مستشفى الوصل امحصل جائزه على هالشي)
وبالنسبه للدريول..ما اعرف إذا بيأثر عالعينه..ما تكلمنا عن هالموضوع..بس يمكن عنده ثلاجه خاصه..!!!