شخباركم خواتي؟؟؟
بغيت أسال منو منكم سوت غسيل بمستشفى الوصل؟
فيدوني يزاكم الله خير مشكلتي انه صار لي نزيف من اسبوع بسبب توقف نبض الجنين ولحد ألحين الجنين مانزل ؟؟؟ الدكتوره قالت لي انتي بعدج بالاسبوع الخامس فمافي داعي للغسيل بس من أمس عندي آلام بالبطن نفس آلام الولاده يوم رحت للدكتوره قالت لي شكله بينزل امس او اليوم بس لحد ألحين مانزل شو تنصحوني اسوي غسيل او انتظر؟؟ وإلي جربت غسيل مستشفى الوصل ترد علي.
اتريي شوي
اذكر وحدة جيه قالوا لها لازم تسوي غسيل لانه الجنين ما فيه نبض و عقب سبحان الله رد النبض عادي ..
اتريي شوي …
حبيبتي اللي أعرفه ما يسون غسيل في الشهور الثلاثه الاولى
انا طرحت في الشهر الثالث بعد صارلي نزيف وسرت المستشفى
قالوا ماشئ نببض والجنين حوليه كله دم يعني بينزل اليوم او باجر
قلتلها بتسولي غسيل قالت لا ما يحتاج لانه صغير بينزل بروحه
رديت البيت وتميت أمشئ وأشرب زعتر وحلبه ونزل في اليوم الثاني بعدالنزيف وبعد ما نزل سرت المستشفى
وسولي فحص عشان يتأكدون أنه نزل كامل وما فيه بقايا
الله يعينج في مصيبتج ويخلفلج خير منها يارب والله يثبت حملي يا كريم
المشاركة الأصلية كتبت بواسطة عوعو22 
لا تخافين فديتج ما بتحسين بألم وايد لانه صغير
انا في الثالث كان طول الصبع تقريبا قبل لا ينزل حسيت بألم في ظهري كأن حد ظربني بعصى
سرت الحمام الله يعزج ونزل ع طول
انتي بس ادعي الله اعرف هالشئ صعب الاني مجربه ويكفي ألم الفراق بس الواحد ما يقول الا الحمد الله
وتذكري شئ واحد حبيبتي أنه بيكون طير من طيور الجنه وبيشفعلج يوم الحسااااب ربي يصبر قلبج
فديتج ويعوضج بالحمل الصحيح المعافى يارب العالمين