منو تعرف كيف يسوون خلطه الحنا للشعر؟؟؟؟ لصحة بشرتك

السلام عليكم شحالكم عضوات المدونة…
بغيت مساعده…
انا من النوع اللي ما احب اصبغ شعري وخصوصا في الصالون لانه شعري يخترب…ويتم يطيح وعقب يستوي جاااااااف
فقررت اني خلاص استعمل الحنا لشعري…
كنت قبل احني شعري في صالون ف الشارجه ما اذكر اسمه…اسير عندهم وهم يحطولي الخلطه وعقب كم ساعه اغسل شعري….سويته اكثر عن مره بس ما حسيت في فرق ما ادري شو السبب…يمكن الخلطه او نوع الحنا مب شي…
وعقب استعملت الخلطه اللي تحطين فيها كركم ومثبت وكوفي الخ …اول ما غسلت شعري حسيت شعري استوا ناااااااااعم من زيت الزيتون بس عقب رد مووول مب شي
الحين اباكم تساعدوني بافضل الخلطاااات لحنه الشعر…وانا عندي حنا من عمان تكون مطحونه وجاهزه بس ابغي الطريقه….
يلا بسرررعه

مرحبا
الغاليه اولا اذا بتعرفين الحناء اصلي اولا اذا خلطيه في الطاسه حركي الطاسه يمين وشمال بشويش واذا لقيتيه متماسك ولزج مثل الباميه هذا اصلي وحنا المدينه احسن حنا لان قامو التجار يخلطون فيه اسمنت عشان يغشون فيه عند الوزن ف لو تشترينه ورق وتطحنينه وتنخلينه انتي افضل
واذا خلطتيه خليه يتخمر 3ساعات بالطاسه
واذا تبين اللون غامق حطي كركديه او ورق الباذنجان جففيه واطحنيه
بس اهم شي اصلي اصلي اصلي
ماعاد فيه ذمه
وامي من عمرها كله تستخدمه وجدايلها وش طولها ماشاء الله بس المواظبه خيتي
واذا غسلتيه ع طول حطي زيت وغطي راسك بكيسه ساعه بعدين اغسليه بذمه
وتحياتي

مشكوره اختي شموخ شمر على ردج…
وبالنسبه للحنا اللي عندي نحن عندنا ناس في عمان هم يطرشها لنا من زماااان وشغلهم مضمون …يعني هم يزرعونها وهم يجففوها وطحنونها بروحهم…
بس الغاليه ممكن تعطيني الكميه بالضبط ؟؟شعري يوصل لين كتفي تقريبا؟؟
طيب كم ساعه احطه بشعري؟؟ وبعد الغسيل هل استعمل شامبو وكونديشنر؟.؟؟

الله ايوفقج يااااااااااااارب و يرزقج من حلاله ^_^

الغاليه اذا شعرك قصيركل كوب حنا ملعقتين كركديه او باذنجان او ورق غجر
مطحون
وتحياتي

معقوله الكل يصبغ شعره…
افيدوني يا عضوات…..

طريقتي هي حنه وعصير ليمونتين وروب وماي وبس