منو اللي بتعلمني اسوي شراب الزنجبيل الساده و اللي بالحليب؟؟ للمطلقة

مرحبا مرحبا

هلا والله بخواتي الطبيخات الفنانات ربات البيوت السنعات …

ريلي يباني اسوي له زنجبيل و انا ما اعرف >>>> يالقفطه

بس عاد انا ما قتله ما اعرف دقيت الصدر و قتله اكيييييييد اعرف>>>خراطه

خخخخخخخخخخخخ

يالله عاد لا تحرموني من تجاربكم و مهارتكم الحلوه

اختكم

كشووووووووووووووخه

هلا عزيزتي …. انا اسوي الحليب بالزنجبيل ..وطريقته جدن سهله ……….. اتسوين حليب فرش على قياس الدله والكميه الي تبينها من السكر اتضيفينه … واتكونيني انتي منظفه الزنجبيل و مقطعتنه شرااائح ووتحطينه في الدله وبعدين ازلين الحليب عليه … واصبري مال 5 دقاايق و صبي الحليب في كووب ..يممممممممممممممي.. هني وعاافيه

السلام عليكم و رحمته الله و بركاته….
حبوبة نحن نسويه كالاتي :

حليب الزنجبيل :
اولا ندق الزنجبيل الفرش تقريبا حسب الحاجة …طبعا بعد ما نظفه و نبشره …و الكمية حسب الرغبة …….
و بعدين نغليه في ماي شوي و نحط السكر حسب الرغبة …و بعد ما نغليه شوي نحط حليب بودرة بكمية المناسبة …و نغليه غلية مرة واحدة ..و نحطه بالدلة …و بالعافية ….و حبوبة كل ما خليتيه علة نار اكثر كا ما زادت حرقة الزنجبيل بالحليب …….و اذا حابة الحليب الفرش بدلي الماي بالحليب …..

شاي الزنجيبل …:
تغلين الماي و تحطين الزنجبيل المدقوق دق خفيف و سكر حسب الرغبة …و نغلينه يغلي شوي …
و اذا حاة لمدة دقيقة تحطين معاه كيس شاي عادي حسب يعطيه نكهة مخففة و حلوة ..

طبعا تقدرين تحطين بدل السكر الابيض …سكر بني …عسل ابيض او عسل عادي …او اذا كان عندج سكر القصب ..

و بالعافية

هلا والله بالحلوين :
طبعا الخوات ما قصروا وياج…
لكن تعقيبا للكلام بس حبيت اقول اننا نبشر الزنجبيل بالبشاره … بالنسبه لي احسه انه اسهل لج من الدق

أنا يوم اسوي حليب بالزنجبيل الطاااازج ما إدري شو يستوي بحليب…
يصير كانه جامي او روب …ليش جذيه ؟؟؟؟

طريقتج واااااايد سهله و ان شاء الله بجربها

تسلمين يارب و الله يجازيج كل خير حبيبتي

طريقة الزنجبيل بالحليب حلوه و بعد سهله و ان شاء الله بجربها..

بس عندس استفسار بسيط لو ما بغيت احط شاي على الزنجبيل يستوي ؟؟؟

و شكرا

يزاج الله كل خير