منو افضل من تجربتج الرحبه ولا الكورنيش للصحة

حبيت الرحبه اكثر من ناحيه النظافه والدكتورات والسسترات فرندلي وطيوبات وايد حبيتهم كله ييون يسولفون وياي لاني طولت عندهم لاني دشيت قبل الولاده وتميت وايد لضرف صحي فحسيت الاهتمام ،متي ما حسوا اني تعبانه عطول يزقرون السستر ويسوونلي سونار وتخطيط ويجاوبون عآسالتي حتي الدكتوره كانت تباني اربي بطلق صناعي فانا ما طعت فيابوولي مديره قسم الولاده كامل تيلس وياي وتسولف وياي وتجاوب عاستفسارتي وتفهمت خوفي وعطتني وقت والحمدلله ربيت بدون طلق صناعي
وكانوا بيولدوني قيصريه لان نبض الياهل كان نازل وايد وانا وريلي تمينا نهازبهم بس قالوا ان خطير ودخلوني العمليات بس الدكتوره فنانه قالت انا بجرب وياها طبيعي لان حرام تعبت وريلها زعلان ما يبا قيصري والحمدلله حاولت وياي وربيت طبيعي بفضل الله وكان الحبل السري ملتف عالياهل بس كانت الدكتوره زينه
حتي حضانه الاطفال زينه لاني ربيت باخر السابع واهتموا ببنتي وتمت شهر عندهم

اللي مو حلو عندهم الاكل ما حبيته ابداا والخياطه احس خيوطهم سميكه ما تطيح ما طاحت الا عقب ما خلصت الاربعين باسبوع

الكورنيش

مممممممم عادي ما حسيت باهتمامهم يعاملونج مجرد يبون يولدونج ويفتكون منج طول الفتره اللي قبل الولادة ما يطلون مجرد تقيس الضغط والحراره ويتوكلوون واذا دقيتي جرس السستر من اليوم لين باااجر ما ييونج ويحطونج بغرفه مشتركه وحتا لو حطوج روحج طول الوقت يقولون متا ما ربت حد بنييبها عدالج والسسترات ما يسولفون ابد ولا يكلمونج وكل والدكتوره ما تشوفينها ابد ولا تولدج الا لو صار شي اللي تولد هي القابله عكس الرحبه هي اللي تولد وهي تخيط
وعقب ما تربين والله لو تموتين محد يطل عليج لو كسرتي الجرس تكسير حتي لو حد سار لهم وطلب شي ما ييبونه

الايجابي عندهم اكلهم زين والخياطه تطيه بالكثير عشر ايام

المراجعات ما راجعت بالرحبه بس راجعت بالكورنيش بحملي الاول كريهه مراجعاتهم وما يسوون شي ابد بس يسمعون نبض الياهل ويقولون لج كل شي اوكي لو قلتي اوكي خلاص حتي السونار طول الحمل جم مره وبس والسونار بصوب والدكتوره بصوب ثاني رحت 3 مواعيد وكملت بخااص