شحالكم خواتي
ان شاء الله بخير
بغيت اسال منوه منكم جرب حنة لتنعيم الشعر الي من عند دانة الخليج
اريد اعرف هل نفعتكم واااايد و حسيتوا بفرق ايجابي ولا سلبي
الاني اريد اخذها بس قلت قبل بسالكم منو منكن جربهااااا
و هذا الرابط الي فيه الحنة :
https://forum.uaewomen.net/showthread…%DA%D1&page=13
و مشكورات خواتي و يزاكم الله خير
بس اول شي صارلي انه فروة راسي احترقت وصورت النتيجه بس للاسف تلفوني غسلته بنتي بالماي
ثاني شي الريحه تمت في شعري مدة 6 شهور او اكثر ريحة تلوع بالجبد كل ماسبحت.. واستحي واااايد من ريلي بسبت هالريحه ….فعلا ريحة لاتطااااااااق
ثالث شي شعري كان كثيف ومايعاني من اي تساقط بس للاسف ماتملي شعر قام يتساقط بشكل رهييييب وماابالغ بهالشي واعرف وحده بعد صارلها نفس الشي
رابعا ماخاز مفعول الحنا للحين…ابى اعالج شعري من التساقط بس مااقدر وللحين صارلي سنتين ونص وانا اقص في شعري عشان بس تخوز الحنا وارد اصبغه صبغه عاديه وبعد ماشي فايده
خامسا شعري ماكان وااايد خشن وكنت اذا اسشوره يستوي ناااااعم ومايبين انه خشن بس من استعملت الحنا اذا بسشور شعري يستوي مثل التمليس ويبين جنه شعري خشن واااايد ومسويه له تمليس..يعني تحسين الشعره واااقفه
ومازلت مع معاناتي …وللعلم فقط انا كنت مثلج محتاره واشوف رسايل البنات اللي مادحين الحنا لدرجة اني راسلت وحده منهم اسالها فمدحت الحنا لي …فانبهرت وجربت بس والله والله ندمااااانه شعري وااااايد تعب …والحريم لاحظوا هالشي في شعري…
لقيت كم من بنت يذمون الحنا بس انا غبيه ماسمعت لهم 
طبعا النتايج تختلف من شخص لشخص بس سالت وحده خبيره في صالون قالتلي انه هالحنا مو من مواد طبيعيه مثل مايقولون هاي فيها مواد كيميائيه واااايد ومواد تحنيط وانا اصدقها لان لوكانت مواد طبيعيه ماكانت حرقت فروة راسي
انا كنت بطلع من الموضوع بدون ماارد بس ذكرت انه النصيحه واجبه …خصوصا يوم شفت صورة الحنا
والسموحه منج
أنا أنا استخدمت ها الحنه بس مع الاسف يطلع ريحه صار 6 شهور … شعري صار خفيف من هالحنه …حتى من جدام قبل كان حلو بعد ماستخدمته استوا شعري من جدام مثل قصات بويه….
حافظي على شعرج لان اللي استخدموه طاح شعرهم