نحن مدرسة تابعة لبوظبي وجروب العربي كله مواطنات كل سنة اييبون تعيين يديد عربي مع ان الجروب كامل وبعد شهر يقولولنا عندكم زيادة وينقلون اجدم وحده بالجروب
يعني بالذمة يوم الجروب كامل ليش تيبون تعيين يديد .. هذا لان التعيين يبون حذال بيوتهم وليش الجدامه يولون ينقلونههم اي مكان
اليوم صدمتنا المديرة يايبين لنا تعيين يديد والله العدد كامل وقلنا للمديرة قالت بنوزع صفوف سادس كل مدرسة صفين وعقب شهر مع المسح اكيد بينقلون وحده جديمة .. كلمنا المديرة تخاطب الوزارة ان نحن مب محتايين قالوا لهم خلوها يعني خلوها
البنيه مسكينه تغمض كا الجروب كارهنها وهي مالها خص اصلا بس وجودها بيتسبب في نقل وحده فينا
افكر اذا تم اختياري انا للنقل ان خلاااااص انهي خدماتي انتوا شو رايكم
لاني ما اريد ادرس ثانويه دوامهم اللين 3 ونص
ولا اريد منطقة بعيدة طول حياتي بيتي حذال مدرستي ايي الحين يوم استوي خبره يفروني بعيد وييبون التعيين حذال بيوتهم والله ظلم
الله المستااااااااااااااااااااااااااااااااااااااان!!!
