السلام عليكم ورحمة الله وبركاته
شحالكن ياحلوات عساكن بخير
انا من المتابعات قسم الطبخ وجربت واااايد طبخات وماشاء الله عليكن طباخكن حلووو
وانا اليوم يا دوري وحبيت انزل لكن وصفه احبها ويحبها بوالعيال والعيال وكلهم يعني ههههههههه
جني هذربت وااايد
المهم ان شاء الله اعرف كيف احط لكن الطريقه عشان حتى المبتدئات يعرفن يطبقن الخطوات
بسم الله نبدا
المقادير :
-دجاجه مغسوله بالجلد
– بصله كبيرة مقطعه
-بهارات صحيحه ( فلفل اسود – قرفه – كزبرة- هيل- مسمار) والبهارات تكون بزياده شويه
– كركم- ملح
– ماجي دياي طيعا ههههههه
– زبده- ملون اصفر واحمر
-فحم – مله حديد صغيرة فيها زيت (بتعرفن ليش ههههههه)
الطريقه :
-نغسل الديايه زييييييييين ونحطها فالجدر انا استعمل جدر الظغط ونحط ماي والبهارات والكركم والملح وماجي
– من يستوي الدياي نشل شويه من المرق نكون مجهزين الفحم على النار ونحط المله الحديد داخل الجدر ونحط داخلها الفحم ونسكر الغطا بسررررررررررعه ونخليها مال 5 لين 10 دقايق
– نشل المله خلاص والدياي ونرد المرق الي شلينا ونشل البهارات بملاس
– نحط العيش الي حاطينه من قبل فماي مال 10 دقايق لين ربع ساعه لاننا مانباه يستوي كامل
– ونخلط الزبده مع ملون احمر وندهن فيها الدياي وندخله الفرن
– نشخل العيش ونحطه فجدر سبق وحطينا فيه شووووووووويه زيت ونحط عليه ملون اصفر واحمر
– نسوي فالعيش حفرة فالنص ونحط فيها المله مع الزيت ونحط داخلها فحمه نفس الطريقه الي سوينا مع الدياي ونسكر الجدر بسرررررررعه ونخلي العيش يدخن مال 10 دقايق جيه
– وخلاص نشل المله ونخلي العيش يستوي على نار هااااااااااااااااااااااااااديه
– ونطلع الدياي من الفرن
والحين بحط صور الطريقه وان شاء الله تفهمن اكثر 
نحط الدياي المغسول فالماي
نحط البصل
ونحط البهارات والماجي والملح والكركم
ونسكر الجدر هههههههههههه
وفهالوقت نجهز الفحم
ونفتح الجدر هههههههههه
ونشل من المرق تقريبا نص الكميه
ونحط المله داخل الجدر عشان نحط فيها الفحم
ونحط الفحم ونسكر بسسسسسسسسرعه قبل لايطلع الدخان ونسكر عليه مال 10 دقايق
ونرد المرق الي شلينا ونشل الدياي
ونشل البهارات بالملاس
ونخلط الزبده والملون الاحمر
ونحط العيش فالمرق
وبعد 15 ساتعه تقريبا نشله ونحطه فجدر ثاني ونحط عليه المون الاصفر والاحمر ونسوي فيه حفرة فالنص ونحط المله الي فيها الزيت فالنص
ونحط الفحم فالمله ونسكر عليها الجدر بسسرعه
ونخلي العيش على نار هااااااااااااااااديه لين يستوي
ونحط اليش وفوقه الدياي وزينوه مثلا بطماط وليمون من اطراف الصحن
وسويت معاه سلطه عاديه (طماط- خيار- خس- ليمون مقطع بقشره)
وسلطة خيار وروب
وهني اخر اللقطات بس ماصورت كل شي 
كنت مستعيله هههههههههههههههه
وبالعافيه عليكن
اذا جفت تفاعل ان شاء الله بنزل اطباق ثانيه
ويلا يا المبتدئات طبقن وراووني ههههههههههههههههههه
سامحوني عالقصور
اختكن ام خليفه [/SIZE]
بنجربها
يعطيج الف عافية
بانتظار اكلاتج الثانية
المشاركة الأصلية كتبت بواسطة الماركه شما 
الله يسلمج ونتريا التجربه >>>>>>> غصصصب هههههههههههههههه
المشاركة الأصلية كتبت بواسطة القلب 2024 بنجربها
يعطيج الف عافية
بانتظار اكلاتج الثانية
مشكورة الغلا
وان شاء الله بس الموضوع والصور مفهومه ؟