~{منتج آعجبنے "1": لتنظيف وحماية الاثاث اعمال يدوية

في هذي السلسلة من المواضيع بعرض تجاربي لمنتجات
فادتني واحسها صارت نوعا ما ضرورية لي ولـبيتي
واتمنى لكم الفائدة..

المنتج الاول

تعبت من الغبار ، واشوفه احسن حل للحين …
يمكن اذا حصلت شي اسهل يطيح من عيني ..

صورة المنتج:

اسمه: BIG D – NATURAL BEESWAX FURNITURE POLISH

مكان الشراء: كـــارفـــور

السعر: ما اذكر

فائدته: لتلميع وتنظيف الخشب وحمايته،
ووواااايد فادني ف تنظيف الاثاث والابواب لان لون اثاثي بني محروق ف ابسط ذرة غبار تبين..
وساعدني ف تنظيف السلال الخشبية بما اني استخدمهم وااايد لتنظيم اغرااضي..

طريقة الاستعمال:

– لتنظيف الاثاث: رشي منه ع الاثاث وتمسحين بفوطة جافة وبتحسينه سوا مثل الطبقة الشمعية العازلة، وهي جدا خفيفة وما يغير لون الاثاث بالعكس يضفي لمعة بسيطة وحلوة.

– لتنظيف السلال والزوايا الضيقة ف الابواب والاثاث: رشي وباستخدام فرشاة نظفي الزوايا لان صعب تستخدمين فوطة ف الزوايا والفرشاة اسهل ف التنظيف.

صور توضيحية اضافية:

لقيت هذيل السلتين وااايد مغبرات واستخدمتهم عشان اوضح الفرق وان شاء الله تكون الصور وااضحة

اذا اعجبج الموضوع ادعي لي عزيزتي بــ

جزاك الله خيرا..
وعسى ان يحقق الله مرادي ف الدنيا ويرزقني واحبتي الجنة ف الاخرة

واذا حبيتي تنقلينه ياليت تذكرين المصدر