&&& ممنوع ممنوع ممنوع ممنوع ممنوع ممنوع …………. الخ &&& تعليم الامارات

السلام عليكم ورحمة الله وبركاته

خواتي بكتبلكم الموضوع وانا مقهوووووووووووووووووووووووووووووووورة بس بردت حرتييييييي اشوووووووي وبااااااااااقي اشووووووي انتظر باجر ………..

ولدي قبل اسابيع استوى ينزل من الباص واييني البيت مرات ماسك ايده ودمعته حتى ما يرضى يصيح يتكلم والعبره في كلامه وايقوللي ماما مشرف الباص اليوم ظربني بالعصا في ايدي وانا احاول اني اخفف على الولد واقوله اشوف فيه علامه وما احصل شي وبنفس الوقت اقوله يمكن انت اتسوي شطانه فالباص واتضلرب يقوللي لا اقوله يمكن تركض فالشارع يقوللي لا اقوله خلاص برمس المشرف ………. تمت هاي السالفه تقريبا اسبوعين وفي هلاسبوعين الولد ايي بين اليومين يقوللي نفس الكلام ……….. بتقولون لي ليش ما ترمسين ؟؟؟؟ لانه ابوهم اسبوعين فالدوام ……

المفاجأه …….

ولدي رد اليوم وهو يقوللي ماما المشرف ظربني اليوم على ايدي اللي هو تحت الكتف بشوية وفي كف ايده ودار الحوار التالي ::::

الولد : ماما المشرف ظربني اليوم هنيه ( طبعا العبره خانقتنه )
انا : وين تعال راوني …
ولدي : اهنيه ويرفع كم قميصه الرياضي وطبعا الكم قصير
انا : O-o لا اتخاف ولدي ولا اتصيح انا الحين بوديه الشرطه …
انا : لا تتسبح يا ؟؟؟؟ بس غير ملابسك ومشط شعرك ولا بنسير اشوي بالسياره واباك اتيي مع ماما اوك حبيبي …
ولدي : ماما مابا خلاص بيلس العب كمبيوتر ….!! ( مساكين اليهال والله )
انا : فكرت اشوي فكرت وفكرت قبل لا اتسرع باخذ اي حركة غلط وايكون الحق معاي وبطريقه قانونيه ……..
دخلت الغرفه ومسكت تلفوني واتصلت بالمدرسه ودار الحوار التالي ……..
انا : الو السلام عليكم
فلان : الو نعم اتفضلي شو تبين
انا : في داخلي شو هالاسلوب !!! اخوي عفوا منو معاي
فلان : مدرسة ……. نعم شو تبين
انا : في خاطري معقوله هذا واحد اداري وجيه رمسته …. ما عليه اخوي بس لازم اعرف منو معاي يعني انت الوكيل والا الاخصائي ع… وطبعا قبل لا اكمل كلامي …
فلان : هيه هيه الاخصائي شو تبين شو عندج
انا : مستغربه لاني اعرف الاخصائي واعرف رمسته وهو مب مواطن بس مشيت السالفه … قلتله اخوي اسمحلي بس ولدي ظربه مشرف الباص وهذي مب اول مره يظرببببببببهه … طبعا قبل لا اكمل كلامي قال ..
فلان : انزين انزين منو ولدج وبأي شعبيه ساكنين
انا : اسمه ………. وشعبيه ……………. بس انا ما كنت ناويه اشتكيييي .. وقبل لا اكمل كلامي قاللي

فلان : ايوا ايوا روحي اشتكي نحن نباج تشتكين يلا روحي يالله باي ……

انا : كنت جيه وسكرت وفهاللحظه ولدي لبس وقتله يلا خلنا نسير ورحنا العياده وقلتلها بسرعه طلعي الملف بسرعه وهم مستغربين مني عقب قالتلي الممرضه تعالي بشوف الحرارة والضغط ودخلت عالدكتورة قلتلها ابا تقرير طبي ضرب واثار من مشرف الباص عشان الشرطه وطبعا قالتلي لازم ايحولونا للمفرق ورحت المفرق وفتحنا بلاغ عند الشرطي اللي موجود هناك وعقب شافه الدكتور وخذنا التقرير ورحنا مركز شرطة بني ياس …….. وقدمنا بلاغ ونتريا باجر الصبح لانه الملازم قال انه الكل بيستدعونه هناك وبيطلبون الدعم الاجتماعي بعد وبخبركم بالتفاصيل وشو بيصير باجر …………… برويكم الصوره بس غطيت الاسم للخصوصيه

لين متى بيفهمون هالمدارس وهالناس اللي تشتغل فالمدارس لين متى ؟؟؟؟؟؟؟؟ اتعرفون شوقال ولدي ونحن رادين البيت فالسيارة ……
ولدي : ماما ليش انروح المدرسه هذي مب تعليم هذي ضرب …….
انا : طبعا ما عرفت ارد بس قتله خلاص حبيبي اي حد يضربك بوديه الشرطه ولا اتخاف من حد هم اللي بيخافون منك ……. طبعا دوم المدرسين يضربونهم هو واولاد صفه بس ما فيه اثر ولما اروح المدرسه اتكلم شوفوا رد المدير
انا : السلام عليكم ولدي ياني مضروب من المدرس الفلاني .. وممنوع استعمال العصا وهذا معروف
المدير : والله !!! فيه اثار .. اكيد ممنوع العصا
انا : لا ما فيه اثار بس ما بتريا الين ولدي اتييه الاثار ..
المدير : الحمدلله …. والله شو انسوي كل يوم انقولهم لا تضربون بس شو انسوي هالمدرسين ما يسمعون الكلام …….

باجر بخبركم شو بيصير معانا …..

الضرب ممنووووع وبعدين مالهم حق يمدوووون يديييهم ع اليهآآل ..

يعله اليهد يهد حيله ان شاء الله هالمشرف

الله يعيناااا بس ..

حسبي الله على هالمدرسه والله كرهتها حسبي الله عليهم ……… ويوم نشتكي عالمدرس يخسفون بدرجاته يحليله درجاته فالتسعين والثمانين الا الماده اللي اشتكينا فيها عالمدرس عاطنه في الستينيات ……

يااااانااااااااس الكلام ما يفيد معاهم كله يقولون لنا اوك بنكلمهم ومادري شو ……. يعني لازم نتريا لين يعلم الضرب فيهم وعقب يخافون ….؟؟؟ والولد كيف بتكون نفسيته عقب هالعلامات ؟؟؟؟؟؟ حرام عليهم

ونحن مكلمين ابوه وسار عندهم بس نفس الموال…ودقيت ع المدرسه واشتكيت وهددتهم …بس نفس الموااال…

بس والله بعدهم ماعرفوني عدل…انا كله ولا عيالي…^^