شحالكن ؟؟؟
ممممم ابا شوركن فشي
انا وزني تقريبا 48 وطولي 163 تقريبا اوكييه
ممم بس مشكلتي واايد ضعييفه يعني كل شي عندي تقريبا ممسووح هههه اذا فهمتو شو اقصصد
هههه
شو اسوي ابا امتن بس المشكله انه ويهي مايمتن اشوي وايد ضعيف ويوم اتعب يضعف زياده
شو هو الوزن المثالي الي يناسب طولي
شو الي ممكن اكله يفيدني
^__^
أتوقع (55) الى (57) بيكون وزن مناسب جدا على طولج
خذي فيتامينات عامه ضروري تساعد الجسم على زيادة الوزن
وأنا اقترح عليج شيء اذا أنتي من بوظبي
تروحين (مركز امبريال) يسون فحص كامل للجسم
ويعطونج فيتامينات وأدويه ونظام تساعدج باذن الله
على زياده أو نقصان وزنج على حسب حالتج
ومن واقع تجربة عرضتها أحد الأخوات هنيه بالقسم
زاد وزنها ماشاء الله بسرعه عقب ماسارت لهم
وبس اعتمد نظامها أكثر شيء على أنواع معينه من الفيتامينات
وكله الفحص والعلاج والدواء على حساب ثقه
(الله يطول في عمر شيوخنا)
ممكن تسمنين عن طريق التالي:
– تاكلين 3 وجبات رئيسية و 3 سناك
– تحاولي ان تكون وجباتج معتمدة على العناصر الغذائية المناسبة: الكربوهيدرات ، اللحوم ، الخضروات
– حاولي تكون السناك مالج عبارة عن : مكسرات (مفيدة للبشرة) ، عصير افوكادو (وايد فيه سعرات وجدا مفيد) ، عصير الموز بالحليب الكامل الدسم مع العسل و البسكويت المطحون (كله في الخلاط)
– حاولي يكون ريوقج عبارة عن معجنات (فطاير بالجبنة ، باللحمه ، وغيره) لأنها وايد تنفخ الجسم .
– اذا تشربين وايد شاي او قهوة ، حاولي تقللين منهم و خذي بدالة المشروبات الطبيعية الدسمه : الكوكتيل مع الايسكريم ، عصير المانجا ، عصير الافوكادو وغيره …
– حاولي ما تطوفي ولا وجبة ودايما كلي في صحن بروحج عسب تحطين مقدار اكبر شوي عن الى تاكلينه وكل يوم زودي شوي في المقدار عسب يتعود جسمج .
– نصيحة لا تاكلي وايد في المأكولات السريعة و المقالي و الحلويات وغيره لأن بتكون سمنتج عبارة عن دهون وممكن تعانين من السلولايت لو سمنتي فخليها من الاشياء المفيدة .
