ممكن مساعده؟؟؟؟ (ابي ابدا مع ولدي الاكل ) لعشاق السياحة

مرحبا خواتي اشلونكم ؟؟؟

بغيت اسألكم من منكم عندها جدول اشلون اتأكل ولدها وانا ولدي باجي جم اسبوع بيشمي بالسادس يعني لازم ابدا معاه الاكل ممكن مساعدتكم خواتي …

وكل وحده تقولي شنو تعطي ولدها او بنتها ؟؟؟؟

و السموحه منكم

فديتج ابدي بأشيا خفيفه وكل 3 ايام وجبه عقب كل يومين وعقب يوميا وعقب كمن وجبه فاليوم..

انا بديت مع بنتي بالارز مع الخضرا مثل كوسا وبطاطس وجزر وبديت بعد بالفواكه مثل الموزوالتفاح والاجاص
طبعا كله هرس فالخلاط^^

وبالعافيه عليه فديته^^

حتى أنا أبغي أبدا أأكل بنتي,,,,,,,,,,
وإنشا الله أستفيد وياج……..

مي توووووووووووووووووووووووو

الغالية إبدأي بالخضار (كوسا -جزر-بطاطا)
لأن أغلب اليهال ما يقبلون طعمها بعد فتره تقدرين تغيرين مره تحطين قرع (على فكره وايد مفيد)
وبعد تقدرين تحطين العيش
وطبعا في الخلاط

والفواكه مثل الموز والتفاح والكمثرى
الصراحه أنا ولدي مايحب الفواكه
فقمت أفور التفاح مع العيش مع رشه خفيفه جدا من السكر عشان ما يسود التفاح….

الغلا ممكن تعطينا فرني بعد
وكستر
ومثل ما قالو خواتي بطاطا مع كوسا مع جزر مع شوية زبدة وملح وأحيانا مع شوية ماجي بعد يخلي طعمها مقبول
واحيانا معكرونة مع البطاطا والكوسا والجزر واخلطيه بالخلاط
انا اعطيه بنتي عمرها 6 شهور

انا ولدي في الثامن
اعطيه من اكلنا يعني اشيل ثلاث ملاعق من عيش و احطي عليه اشوية ماي صالونة و قطعة لحم او دياي و بطاط بس المفروض ما يكون في صالونة وايد بهارات او فلفل احطي عليهم ماي حار و افور لين ما يستوي لين اهرسه بجهاز مال هرس،،،
افور بطاط بروحه ساعات مع جزر اهرسه احطي ملعقة صغيرة جبن عليه و خلاص
اسوي شوربة شوفان،،،،،كستر ،، فرني ،، بيض امفور
و كذلك فواكه و صدقيني ولدي تعود و ما يحب المعلبات ابدا و يحب اكل البيت