قررنا انا و ريلي نسافر و رحلتنا بتكون لاول مرة اوربية
من تاريخ 15/5 الى 31 /5
خط سير الرحلة بيكون تقريبا دائري
الوصول لميونخ و استلام السيارة و التوجه الى ولف قانق و السكن في فندق
cortisen am see
ليلتين /3 ايام
و التوجه بعد ذلك الى زيلامسي و السكن في فندق
Der sonnberg
4 ليال / 5 ايام
التوجه الى انترلاكن و السكن في فندق
Hotel swiss in & apartment
4 ليال/ 5ايام
بعد ذلك التوجه الى بادن بادن و السكن في منتجع
Aqua aurelia suite
3 ليال/ 4 ايام
و منها من بنمر على اليوربا بارك
و باقي الايام في ميونخ
بس لين اللحين ما حجزنا السكن فميونخ
حمدالله التذاكر انحجزت و السيارة بعد
ابا رايكم فالفنادق حتى لو اني ما اقدر اغيرها بس اذا تقدرون تعطوني فكرة عنهم سواء تطمنوني انه اختياري موفق او تنبهوني.
بعد ما اخذ رايكم فالفنادق اباكم تساعدوني فالجدول اليومي للاماكن
يعني شو الاماكن اللي ازورها مثلا في ولف قانق لانه اغلب التقارير عن انترلاكن و زيلامسي
الغر الحشيم ما قد لجئت لج و خيبتي ظني ماشاءالله عليج 
وبخصوص الفنادق
فندق بادن بادن حلو ومكانه حلو
فندق زيلامسي صح مش قريب من السنتر بس اطلالته حلو ومكانه هادي و الفندق وايد حلو
ولف قانق ما عندي فكرة عنها
بس انا انصحج لميونيخ
ميركيور ستي سنتر
Mercure München City Center
المسافرين انا و ريلي فقط و ان شاءالله ربي يرزقنا الذرية الصالحه
و الفندق اللي ذكرتيه شفته و سعره حلو بيكون على 1930 درهم تقريبا 4 ايام
بس فنفس الوقت ميونخ ما اعرف عنها اي شي مثلها مثل غيرها من المدن
و موضوعج عن سالزبورغ يا في وقـــــته !!!
بس مب عارفه كيف ارتب جدولي للـ3 ايام اللي في ولف قانق
===
الوصول لمطار ميونخ بتكون الساعه 6:40 يعني يبالنا لين نستلم السيارة و نحرك عالساعه 8 الصبح!
المسافه من ميونخ الى ولف قانق 200كم يعني قريب الساعتين و شوي
اليوم الاول بنريح شوي و بنظهر على طول عشان لا يضيع اليوم علينا!
شو رايج نخلي سالزبورغ ثاني يوم؟؟و هل الاماكن السياحية اللي فموضوعج يسدها يوم واحد؟؟
سمحيلي بتعبج معاي ^^ بس