خواتي و حبيبااتي بغيتكم تساعدوني
انا خاااطري اسوي لازانيا بس بالصلصه الحمراء ما اريد البيضاء لان اعرف اسويها
لكن حبيت اغير واسويها بالصلصه الحمراء ولاني مره كلتها ف مردف سيتي سنتر
ف مطعم واسمه ما يحضرني الحين لكن شو كانت غراام وغرام اشويه عليها ^^
ف اتمنى تساعدوني وتعطوني وصفه لعمل اللازانيا بالصلصه الحمراء ولكم جزيل الشكر خوااتي ^^
خذي تقريبا بصلتين متوسطه قطعيهن صغار
شوحي البصل بزيت الزيتون قطعي باذنجان صغار وشوحيه لين يتغير لونه
خذي طماط على حسب كمية اللازانيا تقريبا 5 وبشريه ع المكان الكبيره بالمبشر وحطيه او ممكن بمحضرة الطعام خليه خشن مب ناعم وايد
ضيفيه بس لاتضيفي الصلصه لان لو ضفتيها بسرعه بتخلي الصلصه فيها حموضه مب مستحبه
احين خليه لين يبدا يتغير لونه
عقب حطي بهارات
ماجي
فلفل اسود
ملح
كمون
اوريغانو
وانصح دائما باضافه ملعقه صغيره شكر
الحين بدا ينضج قطعي بقدونس وفرميه وضيفي صلصة طماط عاد انتي ودرجة اللون تبينها وايد حمرا كثري الكميه بس لاتكثيرين اكثرمن المعقول لان بيصير طعمه صلصه خلج معتدله وما انصح اكثر عن علبتين صغار بحدود 4 او 5 ملاعق صلصه
ملاحظه
اضيفي ماي بحيث مايكون سائل او ثجيل متوسطه القوام
الحين حطي ع البايركس
صلصه ورصي اللازانيا ورشي الجبن الموتزريلا والتشدر وشوية بقدونه وهكذا الى اخر طبقه رشي شوية اوريغانو وفلفل اسود غطيها بالقصدير ودخليها الفرن من ثلث الى نص ساعه
وطلعيها
وصحتين ع قلبج
مشكوره ع الوصفه يالغاليه ^^
وان شاء الله بسويها