انا واااااااايد احب الخبيص وكم مره احاول اسويه مايضبط وياي واباه يكون لذيذ وبالطحين المحمص مش بالسميد
لو سمحتن خواتي اللي يعرف يسولنا بالصور ويعطينا المقادير بالضبط
ومشكوراااااااااااااااااااات
يعني هل الخبيصه تكتل عندج زياده ولا كيف
عموما خبيصة الحين يبالها سمن اكثر من الماي
يعني انتي شفشفي الطحين وعقب انخليه علشان ما يتكتل عليج خلينا نقول مقدار جيله والافضل طبعا طحين رقم 2 او 3
عقب ردي الطحين المشفشف في الجدر وتمي صبي سمن (سمن خضر ها مثلا المراعي ولا تيفاني وجان تبين زبده بس بالسمن الذذذذذذذذذذذذ)
مقدار كاس مثلا كاس الماي طبعا هب استكانة الجاي وتمي حركي وحركي كل اشوي صب ي وحركي الين ما يخلص كاس السمن
وتكونين مفوره ماي في جدر ثاني مقدار كاس ونص الى كاسين وحطي كمية الشكر اللي تبينها عن نفسي ما احب ازيد الشكر وايد احط 6 خواشيق اكل واشوية زعفران وهيل
ومن يفور اشويه صبيه على الطحين والسمن
(على فكره حد ايحط السمن ويا الماي مره وحده بس يوم تحمسين الطحين ويا السمن يعطيج نتايج مبهررررررررررره)
وتمي حركي وحركي (جلبي) الخبيصه زين الين ما تشوفينها وصلت للقوام اللي تبينه والماي اتبخر اشوي
وهني وعافيه